कात्तिकमा कालिका भगवती मन्दिरको आम्दानी ३५ लाख

बागलुङ: कालीका भगवती गुुठी व्यवस्थापन समिति बागलुङले कार्तिक महिनाको मन्दिरको आय–व्यय सार्वजनिक गरेको छ । कालीका भगवती मन्दिरमा कार्तिक महिनामा ३५ लाख ३ हजार ३ सय ३२ रूपैयाँ आम्दानी हुँदा १६ लाख १५ हजार खर्च भई १८ लाख ८८ हजार ३ सय ३२ रूपैयाँ बचत भएको समितिका अध्यक्ष कुमार खड्काले जानकारी दिए ।

मन्दिरमा भक्तजनहरूले समर्पण गरेको भेटीबाट २२ लाख ३५ हजार ५ सय ८५, चामल बिक्रीबाट ८० हजार ५ सय, बोकाबाट ६१ हजार ७ सय ५०, कुखुराबाट ४ हजार ८ सय, राँगोबाट १८ सय, सटर भाडाबाट ३ लाख १४ हजार ५ सय ४०, विवाहबाट १ हजार, आर्थिक सहयोगबाट १ लाख २० हजार ७ सय ७, परेवा बिक्रीबाट ६ लाख ७० हजार ७ सय ५०, व्रतबन्धबाट ६ सय र पण्डितबाट ११ हजार ४ सय रुपैयाँ आम्दानी भएको हो ।

कार्तिक महिनामा १६ लाख १५ हजार खर्च भएको समितिले जनाएको छ । कर्मचारीको तलबमा ४ लाख ८ हजार ५ सय, बिजुलीमा ५० हजार, अतिथि सत्कारमा १ लाख ५५ हजार, उपहारमा १ लाख, पूर्वाधार विकासमा ६ लाख १० हजार ९ सय, पोशाकमा २६ हजार, खाद्यान्न र आवासमा ८५ हजार ५ सय, विज्ञापनतर्फ १८ हजार ५ सय, सांस्कृतिक कार्यक्रममा १ लाख ६० हजार ६ सय रूपैयाँ खर्च भएको अध्यक्ष खड्काले बताए ।

मन्दिरमा आउने धार्मिक पर्यटक भक्तजन बढ्दै गएसंगै मन्दिरको आम्दानी समेत बढ्दै गइरहेको कालीका भगवतीसमितिका कोषाध्यक्ष रमेश खड्काले जानकारी दिए ।