साहारा कला केन्द्रको मौलिक तीज गीत ‘माइती देश’ सार्वजनिक

गुल्मी: चर्चित लोकगायक राजु परियार, चर्चित लोकगायिका शर्मिला गुरुङ, लक्ष्मी परियार र विष्णु थापाको स्वरमा सजिएको मौलिक तीजको गीत ‘माइती देश’ सार्वजनिक गरिएको छ। साहारा कला केन्द्रद्वारा निर्मित उक्त गीतको म्युजिक भिडियो साहारा अफिसियल नामक युट्युब च्यानल मार्फत सार्वजनिक गरिएको हो।

चेलीका पिडा वेदना समेटिएको गीतको शब्द सिर्जना हेम नारायण श्रेष्ठले गर्नुभएको हो भने संगीत/थेगो कविराज शाहीको रहेको छ। गीतलाई कृष्ण लामिछानेले एरेन्ज र हेमनारायण श्रेष्ठले निर्देशन गर्नुभएको हो।

गीतका निर्माता लभ्ली कान्छा रविनले केही तीजका गीतमा उच्छृङ्खलता देखिएको प्रति दुःख व्यक्त गर्दै मौलिक संस्कृतिको संरक्षण र संवर्द्धनका लागि पनि मौलिकता बोकेका यस्ता भाकालाई प्रोत्साहन दिन पनि सबै दर्शक श्रोतालाई आग्रह गर्नुभयो।

विभिन्न लोक गायन र नृत्य प्रतियोगिता आयोजना गर्दै आइरहेको साहारा कला केन्द्रको यो पहिलो तीजको कोशेली हो।