मुसिकोटमा जनप्रतिनिधि,कर्मचारी र शिक्षकले छोराछोरी सामुदायिक विद्यालयमा पढाउनुपर्ने

गुल्मी: गुल्मी जिल्लाको मुसिकोट नगरपालिकाले सरकारी सेवा सुविधा लिने जनप्रतिनिधि, शिक्षक तथा कर्मचारीहरुले आफ्ना छोराछोरीलाई अनिवार्य सामुदायिक विद्यालयमा अध्यापन गराउनुपर्ने नियम बनाएको छ ।

नगरपालिकामा कार्यरत जनप्रतिनिधि तथा कर्मचारीले आफ्ना छोराछोरीलाई आगामी शैक्षिक सत्रदेखि अनिवार्य रुपमा सामुदायिक विद्यालयमा पढाउनुपर्ने नियम बनेको हो ।

नगरपालिकाले आईतबार एक सुचना जारी गर्दै सामुदायिक विद्यालयमा अध्यापन गराउन आग्रह गरेको छ ।

सुचनामा नगरपालिकाको नगर सभाबाट निणर्य भई ऐन नियममा नयाँ व्यवस्था गरिएको सम्बन्धमा सार्वजनिक जानकारी गराउँदै आगामी नयाँ शैक्षिक सत्रमा सबैले सोही अनुसार गर्न अनुरोध समेत गरेको छ ।