पाल्पा: सनातन धर्म सेवा समिति, मेहल्धारा तानसेनले हनुमान जयन्तीको अवसरमा हनुमान पूजा सम्पन्न गरेको छ। समितिका अध्यक्ष वरूण प्रसाद रेग्मीको अध्यक्षतामा सम्पन्न अड्तिसौं वार्षिक साधारणसभामा सचिव पुष्कर राज रेग्मीद्वारा वार्षिक प्रतिवेदन र कोषाध्यक्ष विश्व राज रेग्मीद्वारा रू. ६,२३,४५७/- बराबरको आयव्यय प्रस्तुत गरिएको थियोे।
गुठी सदस्य श्रीधर कुमार नेपालको सुपुत्री सिध्दता नेपाललाई एस इ इ परीक्षामा उत्कृष्ट अंक ल्याएबापत पुरस्कृत गरेको छ। श्रीधर कुमार नेपाल, पदम राज पौड्याल र देवराज शर्मालाई यश वर्षको सूचना वाहकको रूपमन नियुक्त गरेको छ। समितिले जेष्ठ नागरिकलाई सम्मान गर्ने निर्णय गरेको छ।
साधारणसभाले बरूण प्रसाद रेग्मीको अध्यक्षता रहेको वर्तमान कार्यसमितिलाई नै आगामी दुई वर्षका लागि पुन : निर्विरोध निर्वाचित गरेको छ। उपाध्यक्ष सरस्वती शर्माको स्वागत ,सल्लाहकार प्रा.डा. रामजी प्रसाद पौड्यालबाट शुभकामना मन्तव्य र सचिव पुष्कर राज रेग्मीद्वारा संचालित कार्यक्रममा सबैलाई धन्यवाद दिदै अध्यक्ष वरूण प्रसाद रेग्मीद्वारा सभा विसर्जन गरिएको थियोे।
नारायणस्थान फूलवारी स्थित हनुमान मन्दिर सनातन धर्म सेवा समितिको इष्ट ( गुठ) देवता हुन्। यस वर्षको गुठी पूजा गुठी सदस्य सल्लाहकार केशव राज पौड्यालको घरमा भेला भइ मूल घरबाट मूल पूजा र सबैको घरबाट पूजा लिएर विहान ७.३० वजे हनुमान मन्दिर प्रस्थान गरिएको थियोे । हनुमानको प्राचीन मन्दिर निकै जिर्ण भएकोले सनातन धर्म सेवा समितिको पहलमा विभिन्न सहयोगीहातहरूको सहयोगमा मन्दिर पुनर्निर्माण भई आजको अवस्थामा आएको हो।
समितिले तानसेन श्रीनगरको पर्यटन बिकासका लागि गुठीबन्धुहरूकै पहलमा सहयोगी मनहरूलाई साथ लिई श्रीनगरमा मिति २०६७/०९/१० गतेका दिन बजरंगबली स्वरूपको हनुमानको मूर्ति स्थापना गरेको थियो । उक्त मूर्ति पुन मर्मत संभार गरी यस बर्ष हनुमान जयन्तीको अवसरमा रंगरोगन लगाउने काम सम्पन्न भएको छ। गुठले गरेको कामको प्रशंसा भक्तजन र यात्रीहरूले गरेका छन् । तानसेनको धार्मिक सम्पदाहरूको संरक्षण र सम्बर्द्धनका लागि नगर पालिका तथा सम्बन्धित वडाहरूले विशेष ध्यान दिनु आवश्यक छ ।
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |