गुल्मीमा चितुवाको आक्रमणबाट बाख्रा मरे

गुल्मी: गएराति गुल्मीको दौघामा चितुवाको आक्रमणबाट एक परिवारका एउटा बाख्रा मरेको छ भने तीनवटा बेपत्ता भएका छन। छत्रकोट गाउँपालिका-६ मा पर्ने दौघाका लक्ष्मण ज्ञवालीको घरमा बाख्राको खोरमा चितुवा पसी एउटा बाख्रा मारेको तीनवटा बेपत्ता भएको जिल्ला प्रहरी कार्यालय गुल्मीले जनाएको छ।

सूचना प्राप्त भएपछि अहिले बिहान ७ बजे प्रहरी चौकी खर्ज्याङ्गबाट प्रहरी टोली खटी गएको, १ वटा बाख्रा मरेको अवस्थामा खोर बाहिर नै रहेको र ३ वटा फेला नपरेको जिल्ला प्रहरी प्रवक्ता डिएसपी डिल्लीनारायण पाण्डेले जानकारी दिए।

बाख्रा कराएको आवाज बाख्रा धनीले सुनेको तर डराएर नउठेको बताईएको छ। उक्त स्थान प्रहरी चौकीबाट अन्दाजी ११ कि.मि. दक्षिणमा रहेको जनाईएको छ।