कर्मचारी मिलन केन्द्रले प्रकाशन गर्यो डायरी 

गुल्मी: कर्मचारी मिलन केन्द्र गुल्मीले निकै उपयोगी र ज्ञानबर्धक डायरी प्रकाशनमा ल्याएको छ । मिलन केन्द्र डायरीको सोमबार एक समारोहका बिच जिल्ला न्यायधिश तथा मिलन केन्द्रका प्रमु्ख संरक्षक बसन्तराज पौड्याल र प्रम्ुख जिल्ला अधिकारी तथा मिलन केन्द्रका संरक्षक टेकबहादु्र केसीले विमोचन गरेका छ्न ।

घरेलु तथा साना उद्योग विकास कार्यालय प्रमु्ख सुरेन्द्र भण्डारीको संयोजकत्वमा ५ सदस्यी प्रकाशन समितिले प्रकाशन गरेको डायरीमा कर्मचारी मिलन केन्द्र र गुल्मी जिल्लाको परिचय , जनसख्या , घरधुरी, स्वाथ्य र शिक्षको अवस्था , स्थानिय सरकार देखि प्रदेश र संघ सम्मका जनप्रतिनिधी र सम्पुर्ण सरकारी कार्यालय , एम्बुलेन्स सेवाका लागि फोन नम्वर उपलब्ध गराईएको छ । त्यस्तै जिल्लाका प्रशिद्ध धार्मिक र पर्यटकिय क्षेत्रहरुको तस्वीर सहित चिनारी गराईएको छ ।

कर्मचारी मिलन केन्द्रको यस्तो सिर्जनशिल कार्य प्रति जलश्रोत तथा सिचाई डिभिजन कार्यालय प्रमुख भरतराज सापकोटाले सह्राना गरेका थिए ।

त्यस्तै मिलन केन्द्रका संरक्षकद्धयद्धयः जिल्ला न्याधिश पौड्याल र प्रमुख जिल्ला अधिकारी केसीले कर्मचारी मिलन केन्द्रले निकै रचनात्मक काम गर्दै आएको र यसपाली सबैका लागि अति उपयोगि र ज्ञानबद्र्धक डायरी प्रकाशनमा ल्याएको प्रति धन्यवाद दिएका थिए ।

कर्मचारी मिलन केन्द्रका अध्यक्ष सहायक प्रमुख जिल्ला अधिकारी हरिप्रसाद गैरेले १२ वटा डायरी प्रकाशनमा ल्याईएको र नयाँ आउने कर्मचारीलाई १५ सयमा वितरण गरिने र जिल्लाका १२ वटै पालिकामा पनि पठाईने जानकारी दिए ।

कर्मचारी मिलन केन्द्र गुल्मीले आफ्नै भवन निर्माण गरेको छ । कर्मचारी हक हित र उनिहरुको बृद्धि विकासमा मात्र नभई जनतालाई परेको विभिन्न बिपदको बेला उद्धार जुटनुका साथै अन्य सामाजिक उत्तरदायित्व निभाउने कार्यमा पनि उल्लेखिनय भुमिका निभाउँदै आएको छ ।