तिनाउखोला ड्याममा डुबेर युवतीको मृत्यु 

गुल्मी: मङ्गलबार दिउँसो पाल्पाको तिनाउ खोलाको ड्याममा डुबेर एउटि भारतिय युवतीको मृत्यु भएको छ। दिउँसो साढे एक बजेको समयमा भारतको उत्तर प्रदेश स्थित मगहरकाजिपुर निवासी २० बर्षिया युवती शाहिस्ता प्रविनको डुबेर मृत्यु भएको हो।

तिनाउ गाउँपालिका- ३ मा रहेको तिनाउ खोला ड्याममा उनि फोटो खिच्ने क्रममा चिप्लिएर खसेको बताईन्छ । उत्तर प्रदेशको एक विद्यालयबाट शिक्षक र विद्यार्थी सहित करिब २५ जनाको टोलि त्यहाँ भ्रमण आएका थिए ।

मृतकको शव प्रहरी चौकि दोभानबाट खटिएको टोलीले उद्वार गरि लुम्बिनी प्रादेशिक अस्पताल बुटवलमा पुर्याईएकोमा डाक्टरले मृत घोषणा गरेको जिल्ला प्रहरी कार्यालय पाल्पाका प्रवक्ता डिएसपी सुगन्ध श्रेष्ठले जानकारी दिए ।