गुल्मीको एक पसलमा आगलागी, करिब ३५ लाखको क्षति

गुल्मी: गुल्मीमा गएराति एक पसलमा आगलागी हुँदा पार्किङ गरेका मोटरसाइकलसहित करिव ३५ लाखको क्षति भएको छ।

जिल्लाको गुल्मीदरबार गाउँपालिका -७ देउराली चारपाला फेदिको टोप बहादुर बस्नेतको टिनले छाएको २ तले कच्ची किराना पसल राखेको घरमा आगलागी भएको आफुलाई जानकारी आएको जिल्ला प्रहरी प्रबक्ता डिएसपी डिल्लिनारायण पाण्डेले जानकारी दिए।

स्थानीयका अनुसार आगलागीबाट एक सय ५० सिसीको एक पल्सर मोटरसाइकल, एक हिरो होण्डा मोटरसाइकल, ग्यास सिलिन्डर चार वटा, चामल २५ केजीका २० बोरा र अन्य सामान सहित नगद दुई लाख र करिब ३ तोला गहना र कपडा गरि ३५ लाखको क्षति भएको छ । गएराती करिब साढे १२ बजेको समयमा लागेको उक्त आगो साढे तीन बजेको समयमा दमकल, प्रहरी र स्थानीयको सहयोगमा नियन्त्रणमा आएको हो ।