गुल्मी छत्रकोटले जगायो दशैं झारा प्रचलन

गुल्मी: दशैं चाड भित्रिन लाग्दा गाउँबासि झारा लागेर ( जनश्रमदान जुटेर ) सार्वजनिक स्थान सरसफाई र बाटोघाटो खन्ने हामी नेपालीहरुको मौलिक प्रचलन हो । तर अहिले थियो भन्ने अबस्था छ । झारा लागेर बाटो खन्ने र मठमन्दिर , चौतारा सरसफाईमा अहिलेको पिडि जुट्नै छाडेको अबस्था छ । तर गुल्मीको छत्रकोट गाउँपालिकाले त्यो प्रचलनलाई निरन्तरता दिन टोल टोलका युवाहरुलाई सङ्ग्ठित गरेर परिचालन गरेको छ ।

त्यस पालिका अध्यक्ष रामप्रसाद पाण्डेले सार्वजनिक स्थलको संरक्षण गर्ने जुन प्रचलन थियो त्यो हराई सकेकोले आफुहरुले भर्खर शुरु गरेको बताए । टोल बिकास समिति गठन गरिब गोरेटा बाटाहरु खन्ने , चौतारि , मठ-मन्दिर सेरोफेरोका झाडिहरु फाड्ने र सजाउने काम यसपालिको दशैमा भईरहेको पाण्डेले बताए ।

त्यसपालिका – दौघा स्थित राधा कृष्ण टोल विकास समितिको सक्रियतामा त्यहाँको मठ-मन्दिर र चौतराहरु नेपाली सेनाको ब्यारेक जस्तै गरेर सजाईएको दृश्यले अन्य स्थानका जनतालाई पनि प्रेरित गर्दछ ।