सागर भण्डारी, मुसिकोट: गुल्मीको मुसिकोट नगरपालिका नगर खेलकुद विकास समितिले आयोजना गरेको प्रथम मुसिकोट मेयर रनिङ कपको पुरस्कार राशि सार्वजनिक गरिएको छ ।
कप अन्तर्गत यही कार्तिक २२, २३ र २४ गते खुल्ला अन्तरपालिका स्तरीय पुरुष भलिबल प्रतियोगीता सञ्चालन हुँदैछ । शनिवार नगरखेलकुद विकास समितिले उक्त कपको पुरस्कार राशि सार्वजनिक गरेको हो ।
सार्वजनिक गरिएको पुरस्कार राशि अनुसार प्रथम पुरस्कार नगद रु १ लाख ५० हजार कप मेडल र प्रमाण पत्र रहेको छ । त्यस्तै द्धितिय पुरस्कार नगद रु १ लाख रुपैयाँ कप मेडल र प्रमाण पत्र रहेको छ ।
यो पुरस्कार राशि जिल्लामा अहिलेसम्म भएका भलिबल प्रतियोगीता मध्येकै सर्वाधिक राशिको पुरस्कार रहेको मुसिकोट नगर खेलकुद विकास समितिका अध्यक्ष सन्दिप खत्रीले जानकारी दिनुभयो । खेलमा सहभागी हुने समुहले समुह ७ हजार ५ सय रुपैयाँ दर्ता शुल्क बुझाउनुपर्ने उहाँले बताउनुभयो ।
कार्यक्रमको तैयारीका कार्यहरु समेत अगाडी बढेको खत्रीले बताउनुभयो । ग्वादिकाचौर खेल मैदानमा हुने प्रतियोगीतामा सहभागी हुन सम्पूणर् खेलाडी समुहलाई उहाँले आग्रह गर्नुभएको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
