बुवाको सम्झनामा आफैले अध्यापन गराउने विद्यालयमा डेढ लाखको अक्षयकोष स्थापना

 गुल्मी: गुल्मीको मालिका गाउँपालिका-२, दर्लिङ स्थित नेटा दर्लिङ माध्यमिक विद्यालयमा एक लाख पचास हजार पाँच सय ५५ रुपैयाँको अक्षय कोष स्थापना भएको छ । सोही विद्यालयमा अध्यापन गराउने शिक्षक युवराज अर्यालको परिवारले अक्षय कोष स्थापन गरेको विद्यालयका प्रधानाध्यापक यमलाल अर्यालले जानकारी दिए ।

बिहिवार अर्याल परिवारले विद्यालयको ६३ औं वार्षिकोत्सबको अवसरमा अक्षय कोष स्थापन गरेका हुन । स्वर्गीय बुबा भिमलाल अर्यालको सम्झना र माता भुमिकला अर्यालको सम्मानमा छोराहरु युवराज अर्याल , बाबुलाल अर्याल र लोकनाथ अर्यालले अक्षय कोष स्थापना गरेका हुन ।

अक्षय कोष बाट आउने ब्याजले विद्यालयमा अध्ययन गर्ने गरिब तथा जेहेन्दार विद्यार्थीले छात्रवृत्ति पाउने छन ।

नेटा दर्लिङ माविमा उक्त अक्षय कोष अहिले सम्मकै सबै भन्दा धेरै रकम रहेको विद्यालयले जानकारी दिएको छ ।