ताराखोला गाउँपालिका-१ मा एक पुरुष मृत फेला

बागलुङ: बागलुङको ताराखोला गाउँपालिका वडा नं. १, मर्स्याङ्दी खोलानजिकैको गोठमा एक पुरुष मृत अवस्थामा फेला परेका छन्।

ताराखोला-१ का जगबहादुर छन्त्यालको गोठमा फेला परेका मृतकको पहिचान ताराखोला गाउँपालिका वडा नं. ५ निवासी दुर्गबहादुर पाइजाका रूपमा खुलेको प्रहरीले जनाएको छ।

घटनाबारे थप अनुसन्धानका लागि इलाका प्रहरी कार्यालय हरिचौरबाट प्रहरी नायब निरीक्षक देवराज काफ्लेको नेतृत्वमा प्रहरी टोली घटनास्थलतर्फ गएको प्रहरी चौकी भात खाने डाँडाले जानकारी दिएको छ।

यस घटनासम्बन्धी थप विवरण आउन बाँकी छ।