गुल्मीमा विजयको पहिलो स्वाद चाख्दै अनेरास्ववियु

गुल्मी: गुल्मीमा अनेरास्ववियुले स्ववियु निर्वाचनमा प्रत्यक्ष मतदानद्वारा निर्वाचित हुनुको पहिलो स्वाद चाखेको छ। नेकपा एमाले निकट विद्यार्थी संघठन अनेरास्ववियुलले रिडी क्याम्पसमा अध्यक्ष पदका आफ्ना उम्मेदवार धन बहादुर कुमालले‌ विजय हासिल गरेपछि विजयको पहिलो स्वाद चाखेको हो।

त्यस क्याम्पस प्रमुख शंकर प्रसाद भट्टराईले कुल मतदाता १७ मध्ये १४ मत खसेकोमा अनेरास्ववियुका धनबहादुर कुमालले १० मत ल्याई विजयी भएको जानकारी दिनुभयो।

उहाँका अनुसार उनका निकटतम प्रतिस्पर्धी अनेरास्ववियु (क्रान्तिकारी) की सदिच्छा पौडेलले चार मत ल्याएकी छन। त्यस क्याम्पसमा १७ जना विद्यार्थी मध्ये १३ जना छात्रा र जम्मा ४ जना छात्र छन।

लैङ्गिक अपनत्वका आधारमा महिलाले महिलालाई भोट देलान भन्ने अपेक्षा त्यस क्याम्पसको परिणामले गलत सावित गरिदिएको छ। त्यस क्याम्पसमा नेवि संघ र नेविसंघको संयुक्त प्यानल थियो भने क्रान्तिकारी एक्लै भिडेको थियो।

निर्वाचन भएका दुई क्याम्पस रुद्रटवती र श्रृंगेश्वरमा मत गणना सुरु भएको छ। एक निर्विरोध सहित अहिलेसम्म अनेरास्ववियु दुई क्याम्पसमा विजय हासिल गरेको छ।

नेवि संघले भने ५ वटा क्याम्पसमा निर्विरोध निर्वाचित गरेको छ। अनेरास्ववियुलाई नेतृत्व परेको धुर्कोट परमानन्द भण्डारी क्याम्पसमा निर्वाचन स्थगित भएको छ।