गुल्मी: चैत्र ५ गते हुन गईरहेको स्वतन्त्र विद्यार्थी युनियन (स्ववियु) निर्वाचनमा सत्तारुढ दल नेपाली कांग्रेस नेकपा एमाले निट विद्यार्थी संगठन बिच देशैभर तालमेल गरी निर्वाचनमा जाने भनिए पनि लुम्बिनी प्रदेशको रोल्पा जिल्लामा भने बामपन्थी बिद्यार्थी संगठन बीच तालमेल गरी निर्वाचनमा जाने भएका छन। नेकपा एमाले निकट अनेरास्ववियु र माओवादी केन्द्र निकट अनेरास्ववियु क्रान्तिकारी बिच यस्तो तालमेल भएको हो।
अनेरास्ववियुका रोल्पा जिल्ला अध्यक्ष सूर्य विक र अखिल क्रान्तिकारी अध्यक्ष सनिदेवल बुढा मगरले संयुक्त विज्ञप्ती जारी गरी रोल्पाका क्याम्पसहरुमा दुई संगठनबीच तालमेल गर्ने निर्णय भएको जानकारी दिएका छन।
वामपन्थी विचारधाराले प्रशिक्षित विद्यार्थी संगठनहरू बीच तालमेल हुँदा नेपालको विद्यार्थी आन्दोलन अझ प्रभावकारी बनाउन सकिने ठहर गर्दै नेकपा एमाले निकट विद्यार्थी संगठन अखिल र नेकपा माओवादी केन्द्र निकट विद्यार्थी अखिल क्रान्तिकारी बीच तालमेल, सहकार्य र एकताको आवश्यकतालाई महशुस गरी यसपालीको स्ववियु निर्वाचनमा संयुक्त प्यानल बनाई निर्वाचनमा जाने सहमति गरिएको यी दुई सगठनका अध्यक्षद्वारा जारी विज्ञप्तिमा उल्लेख छ।
रोल्पामा त्रिभुवन विश्वविद्यालय अन्तर्गतका चार क्याम्पस रहेका छन । एउटा क्याम्पसमा अखिल क्रान्तकारीलाई अनेरास्ववियुले सहयोग गर्ने र अन्य तीन क्याम्पसमा पदबाँडफाँड गर्दै संयुक्त प्यानल बनाउने घोषणा गरिएको छ ।
सोही अनुरुप नव नेपाल क्याम्पससमा अनेरास्ववियुलाई अध्यक्ष, सहसचिव सहित २ सदस्य र अखिल क्रान्तिकारीलाई उपाध्यक्ष, सचिव, कोषाध्यक्षसहित ४ सदस्य दिने सहमति भएको छ।
जलजला क्याम्पसमा अनेरास्ववियुले उपाध्यक्ष, सचिव, कोषाध्यक्षसहित सदस्य तथा अखिल क्रान्तिकारीले अध्यक्ष, सहसचिवसहित सदस्य लिने सहमति भएको
बिज्ञप्तीमा उल्लेख छ।
त्यस्तै रोल्पा नमुना क्याम्पसमा एक प्रत्यक्ष सदस्यबाहेक सबै अखिल क्रान्तिकारीका उम्मेदवार रहनेछन् भने शहिद स्मृति क्याम्पसमा अखिल क्रान्तिकारीलाई मात्रै सहयोग गर्ने सहमति भएको विज्ञप्तिमा भएको छ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
