उत्कृष्ट असारे गीत ‘लाउछ सरिम’ सार्वजनिक [भिडियो सहित]

गुल्मी: लोक गायिका सुनिता बुढा क्षेत्री र सर्जक हेमनाथ खरालको असारे लोकगीत लाउछ सरिम सार्वजनिक गरिएको छ। सुनिता बुढा क्षेत्री र गणेश अधिकारीको स्वर रहेको गीतको म्युजिक भिडियो सुनिता बुढा क्षेत्रीको युट्युब च्यानल मार्फत सार्वजनिक गरिएको हो।

असार विशेष यस गीतका शब्द सर्जक हेमनाथ खरालले गर्नुभएको गीतको म्युजिक भिडियोमा सुमन पौडेल र मेनका थापाको मुख्य अभिनय रहेको छ। जसको निर्देशन लोकेन्द्र शाहले गर्नुभएको हो।

म्युजिक एरेन्ज र मिक्सिङ चर्चित एरेन्जर विनोद बाजुरालीले गर्नुभएको हो। पोष्ट प्रोडक्सन बुटवल स्थित श्रीनगर फिल्म्स प्रोडक्सनले गरेको हो।

नेपाली लोक संस्कृतिको जगेर्ना गर्ने उद्देश्यले निर्मित यस गीतले दर्शक/श्रोताको माया पाउने विश्वास सर्जक हेमनाथ खरालले व्यक्त गर्नुभयो।