पाल्पामा युवती हत्या घटनाः शव उठाईयो, दुई जना शंकाको घेरामा

गुल्मी: मंगलबार दिउँसो पाल्पाको रिब्दिकोट गाउँपालिका-१ को ख्याहामा हत्या गरिएको अवस्थामा फेला परेको एक युवतीको शव बुधबार अपरान्ह उठाईएको छ। त्यस्तै हत्या घटनाबारे सोधपुछका लागि दुई जना पुरुषहरुलाई दुई जना पुरुषलाई प्रहरीले सदरमुकाम तानसेन तर्फ लगेको छ।

सोही वडा ख्याहा कराङदीकी १९ बर्षीया युवती पद्मा सुनार धारिलो हतियारले घाँटी रेटिएको र शरिरका विभिन्न भागमा पनि चोट लागेर विभत्स अवस्थामा मृत फेला परेकी थिईन।

मंगलबार दिउँसो घर नजिकैको पँधेरोमा नुहाउन भनि गएकी पद्मा साँझ अवेर सम्म घर नआए पछि परिवारले खोज्दै जाँदा त्यो अवस्थामा देखेर प्रहरीलाई खबर गरेका थिए। हिजो राती भएका कारण शव उठाउने प्रकृया नै सुरु भएन ।

आज भैरहवाबाट अनुसन्धानका लागि तालिम प्राप्त कुकुर झिाकएर अनुसन्धान गरियो । कुकुरहरु शंकास्पद घर तर्फ लागे त्यस वडाका वडाध्यक्ष चिरञ्जीवि पोखरेलले भने प्रहरीले दुई जना मानिस समातेर ल्याएको छ । पाल्पाका जिल्ला प्रहरी प्रमुख एसपी नरेन्द्र चन्दले ती दुई जनालाई सोधपुछका लागि ल्याईएको पुष्टि गरे ।

स्थानीयका अनुसार शवको प्रकृति हेदा बलात्कारका क्रममा उनले प्रतिकार गर्न खोज्दा उनको कुनै हिंसक पुरुषले निर्ममता पुर्वक हत्या गरेको हुन सक्छ । उनको घाँट रेटिनुका साथै औला समेत काटिएको प्रत्यक्षदशी बताउँछन । उनि स्थानीय शारदा माध्यामिक बिद्यालय कक्षा १२ मा पढ्दै थिईन ।