वासुदेव पाेखरेल, गुल्मी: गुल्मीको धुर्काेट गाउँपालिकामा किसानलाई राँगा वितरण गरिएको छ । धुर्काेट गाउँपालिका र धुर्काेट कृषि तथा पशु उद्यमशीलता विकास परियोजनाबाट राँगा वितरण गरिएको हो ।
गाउँपालिकाकाे पशु विकास शाखाको वार्षिक कार्यक्रम अनुसार प्रत्येक वडामा बिउका लागि राँगा वितरण गरिएको हो । प्रत्येक वडामा १/१ वटा गरी सात वटा राँगा वितरण गरिएको हो । उन्नत जातका राँगा बिउका लागि वितरण गरेको धुर्काेट गाउँपालिका पशु शाखा प्रमुख भरत खड्काले जानकारी दिए ।
शुक्रबार गाउँपालिकाकाे केन्द्र बर्बाेटबाट प्रत्येक वडालाई राँगा वितरण गरिएको हो । गाउँपालिकाले ५० हजार रुपैयाँका दरले तीन लाख ५० हजार रुपैयाँमा खरिद गरिएको थियो । राष्ट्रिय पशु प्रजनन कार्यालय पाेखरा कास्कीबाट ल्याएर राँगा वितरण गरिएको थियो ।
गाउँपालिकाले यस कार्यक्रमबाट दुधमा आत्मनिर्भर हुने अपेक्षा लिएको छ । यसअघि धुर्काेट मासुमा आत्मनिर्भर भइसकेको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
