जन्म दिनको खर्च कटौती गरेर आविष्कारले गरे परोपकारी कार्य

गुल्मी: गुल्मीको सदरमुकाम तम्घासको पुतली बजार स्थित आलिशान महलका मालिक र यहाँका ठुला व्यापारी ज्ञवाली र अमृता ज्ञवालीका एक मात्र छोरा हुन १४ बर्षिय आविष्कार ज्ञवाली, उनलाई नपुग केही छैन। लाखौँ खर्चेर तम्घास बजारको पार्टी प्यालेस मै भव्य पार्टी दिन सक्ने उनका बाबू आमाको आर्थिक क्षमता छ। तर उनी जान्ने बुझ्ने भए देखि तम्घास बजारको त्यो आलिशान महलमा बिलासी जन्म दिन मनाउनै चाहेका छैनन्।

त्यस महलमा न आफ्नो जन्म दिन , न कुनै चाड पर्व मनाउन सकुन मिल्दैन । उनलाई अन्तर स्करण देखि सकुन मिल्ने भने कै गाउँको घर हो। विगतमा जस्तै माघ ३ मा परेको जन्म दिन मनाउन बाबू आमा सहित उनको गाउँको घर रुरुक्षेत्र गाउँपालिका ५ बम्घाको पाहडामा पुगे ।

तम्घास बाट हुगा हुँदै जिपमा पुगेका आविष्कारले आफ्नो गाउँ प्रवेश गरे लगत्तै झ्यालको सिसा खोल्दै बाटोमा देखिने मान्यजन प्रणाम गरे भाइ बहिनिहरुलाई स्नेहको हात हल्लाए । धुलाम्मे बाटो थियो । आमाले भन्नू भयो बाबू धुलो पस्यो भित्र सिसा बन्द गर । आविष्कारले भावुक हुँदै भने मम्मी मलाई मेरो गाउँको धुलो पनि बसाउछ । उनको यो भनाईले निकै मन छोयो । आजकल मान्यजनलाई हातमा ढोग्ने फेसन चलेको छ । तर अविस्कार घर पुग्नु साथ हजुर बुवा होमनाथ ज्ञवाली र हजुर आमा राधा ज्ञवालीलाई शिर निहुराएर पाउ ढोगे।

त्यस पछि उनको पुर्व निर्धारित जन्म दिन मनाउने कार्यक्रम स्थल बम्घाको काउले स्थित जनज्योति आधारभुत बिध्यालय तर्फ लागियो ।

उनले त्यस बिध्यालयका आफू जस्तै विद्यार्थी साथीहरुलाई जन्म दिनको अवसरमा विगतका बर्षहरुमा जस्तै माघ ३ मा पर्ने आफ्नो १४ औँ जन्म दिवस कुनै न कुनै परोपाकारि काम मनाउने उद्देश्यको निरन्तरता स्वरुप त्यस बिध्यालयका बुध्यार्थिलाई न्यानो कपडा वितरण गरे । धनी र गरिव बिध्यार्थि छुट्टाएन्न उनले सबैलाई समान देख्दै जन्म दिनमा माया र आफ्नो गाउँको माटोको सद्भाव साटे।

तम्घास कै गण्डकी बोर्डिङ्ग स्कुल कक्षा ९ मा अध्यानरत अविस्कार हरेक कक्षामा प्रथम तहमा उतिर्ण बिध्यार्थी र गत बर्ष कक्षा ८ को परिक्षामा संस्थागत बिध्यालयहरुमा जिल्ला टपर बिध्यार्थी हुन । अदभूत क्षमताका भण्डार लाग्ने उनि देखि उनको गाउँबासी र सदरमुकामबासी चकित छन।

उनको गाउँको घर पुगे पछि बाटोमा उनले बोलेको मेरो गाउँको धुलोको पनि मलाई मङ्ग बास्ना आउँछ भनेको बिषय हामीले कोट्याउदा अविनासले भने हो मलाई यहाँको धुलोमाटो पनि बसाउछ र अनावस्यक रुपमा जन्म दिनमा खर्चिने फेसनलाई चिर्न मन लाग्छ।

कार्यक्रममा सबिक बलिथुम र बम्घाका पुर्व गाबिस सचिबबाट अवकास प्राप्त उनका हजुर बुवा होमनाथ ज्ञवालीले आफुहरुको परिवारले कुनै राजनैतिक वा अन्य स्वार्थका लागि नातिको जन्म दिवस मनाउन नखोजेको नभई फजुल खर्च बिरुद्धको फेसन चिर्न खोजेको बताए।

कार्यक्रमका प्रमुख अतिथी रुरुक्षेत्र गाउँपालिका ५ का वडाध्यक्ष हरिप्रसाद ज्ञवालीले आविष्कारका हजुर बुवा होमनाथको मात्रै सामाजिक योगदानको स्मरण गर्नु भएन जिज्यु बुवा स्र्वगिय भोजराज ज्ञवालिको समेत स्मरण गर्दै अभिभावकको संस्कारले मात्रै छोरा नाति नातिनी सहितको पछिल्लो पुस्ता सस्कारी हुने बताए।

कस्र्यक्रमका अध्यक्षता गरिरहेका त्यस बिध्यालयका अध्यक्ष तारा बहादुर रानले पछिल्लो पुस्तामा आएको चेतना र सचेतनाको उदाहरणिय पात्र मध्येका एक अविस्कार धारणा राखे।

कार्यक्रममा विभिन्न ब्यक्तिहरुले आविष्कार धन्यवाद सहित मन्तब्य राखेका थिए। त्यस विद्यालयका प्रधानध्यापक धनान्जन्य गौतम सहितले आविष्कारलाई सम्मान स्वरुप जन्मोत्सवको उपहार दिएका थिए।