Clean Water Campaign

Awareness Campaign

गुल्मीकी मनिषाले एक वर्षमा उत्तिर्ण गरिन् लोक सेवाका पाँच परीक्षा



प्रेम सुनार
२ वर्ष अगाडि


       

Awareness

Place for ads

गुल्मी: ‌गुल्मीको हाडहाडे गाउँकी मनिषा जिसी भनेर चिनिने विष्णु घर्तीले एक बर्ष भित्रमा विभिन्न सरकारी सेवाका पाँचवटा लोक सेवा आयोगका परिक्षण उत्तिर्ण गरेकी छन।

धुर्कोट गाउँपालिका-३, हाडहाडे घर भई बुटवलको कालिका क्याम्पसमा स्टाफ नर्स प्राविधिक शिक्षा तर्फ स्नातक दोश्रो वर्षमा अध्ययनरत जिसीले गत बर्षको १० महिने अवधि मै पाँच वटा लोक सेवा आयोगको परीक्षा उत्तिर्ण गरेकी हुन।

उनले पहिलो कोशी प्रदेश लोकसेवा आयोग अन्तर्गत स्वास्थ्य सेवा, पब्लिक हेल्थ नर्सिङ समूह, सहायक चौथो तह (सिफारिस ओखलढुंगाको चम्पादेवी गाउँपालिका) लागि परीक्षा उत्तिर्ण गरेकी हुन। त्यस्तै दोश्रो लुम्बिनी प्रदेश लोकसेवा आयोग, प्रदेश निजामती सेवा अन्तर्गत प्रदेश स्तरीय स्वास्थ्य सेवा, पब्लिक हेल्थ नर्सिङ समूह, सहायक चौथो तह उत्तिर्ण गरिन।

सिंचाई
Forest
Ad.

तेस्रो लुम्बिनी प्रदेश लोकसेवा आयोग, प्रदेश निजामती सेवा अन्तर्गत स्थानीय स्तरीय स्वास्थ्य सेवा, पब्लिक हेल्थ नर्सिङ समूह, सहायक चौथो तह पनि उत्तिर्ण गरिन।

त्यसैगरी चौथो बागमती प्रदेश लोकसेवा आयोग, स्वस्थ्य सेवा, जनरल नर्सिङ समूह, पाँचौ तह र पाँचौ परीक्षा संघिय लोकसेवा आयोग, केन्द्रिय कार्यालय काठमाडौं, स्वास्थ्य सेवा, प्राविधिक नर्सिङ समूह, पाँचौ तह उत्तिर्ण गरेर आफुलाई अब्बल र सक्षम विद्यार्थीको रुपमा उभ्याएकी छन। हाल उनी बुटवल स्थित लुम्बिनी प्रादेशिक अस्पताल नर्सिङ्ग पाँचौ तहमा कार्यरत छिन।

उनले आफ्नो संघर्ष र भावना यसरी लेख्छिन, ‘मनले चाह्यो भने असम्भव केही छैन। नर्सिङ पढ्नु सानैको रहर थियो मलाई। परिवारको आर्थिक अवस्था कमजोर हुँदाहुँदै पनि १५ बर्षमा डाक्टर बन्न बजार छिरेकी थिए। त्यतिबेला नर्सिङ भन्ने शब्द डाक्टर सरहको लाग्थ्यो।’

उनी अगाडि थप्छिन्, ‘छात्रवृत्तिमा नर्सिङ संकाय उत्तिर्ण गरी करिब ५ बर्ष करार सेवामा काम गरेकी थिए। कमाएको रकम भाइबहिनीको पढाईमा खर्चनु पर्दथ्यो। ट्युसन पढाएर रुमको भाडा र रासनको व्यवस्थापन गर्थे। आजभोलि नर्सिङ पढ्ने र विदेश जानेको लर्को लागिरहेको बेला लोकसेवा नै किन भन्ने हजारौँ ‌प्रश्न थिए। यस्मा म के भन्छु भने तपाईंलाई जे गर्नमा इच्छा हुन्छ, रुचि छ त्यही गर्नुस दुःख गर्नुहुन्छ भने त्यसको फल पक्कै राम्रो हुन्छ। तपाईं विदेशमा गएर जति समय विदेशलाई दिनुहुन्छ त्यति समय नेपालमा बसेर नेपाललाई खर्चिनुहोस। पैसा यहि कमाउन सक्नुहुन्छ। क्षमता, त्याग र परिश्रम तपाईंमा हुनुपर्छ।’

Awareness by SKF

कसरी तयारी गरे सफल हुन सकिन्छ भन्ने प्रश्नमा उनको भनाई थियो, ‘लोकसेवा कसरी पढ्ने? कति चोटि परीक्षा दिएँ, नाम नै आउदैन। मेरो त भाग्यनै छैन भनेर भाग्यलाई धिक्कार्नु हुन्छ। म भन्छु लोकसेवा रमाइलो गरी पढ्नुहोस, नाचेर पढ्नुहोस, घुमेर पढ्नुहोस, खाएर पढ्नुहोस तर तपाँइको लगाव र मिहिनेतलाई नछोड्नुहोस। यदि तपाईं म गर्छु भन्ने सोच्नुहुन्छ भने त्यो पूरा हुन धेरै समय लाग्दैन।’

‘मेरो यो नतिजा एक महिनाको मात्र पढाईको फल हो, १० महिना त परीक्षाको फम खोलेर लिखित परीक्षा हुन लागेको समय र परीक्षाको नतिजा प्रकाशन हुन लागेको समय हो। मैले पढेको मात्र एक महिना हो। एक महिनाको समयमा म सङ्ग पुस्तक बाहेक आफन्त साथिभाई, परिवार कोहि थिएनन तर सामाजिक संजाल म सङ्ग २४ घन्टै हुन्थ्यो।’

समग्र नेपाली चेलीहरुलाई विशेषतः गुल्मी जिल्ल्लावासी दिदिबहिनिहरुलाई उनको सन्देश अथवा सुझाव छ, ‘अब हाम्रा जमाना त्यस्ता छैनन कि जहाँ स्नातक, मास्टर हाम्रो पढाई छ तर हामी उहीँ कुना र कन्दरामा लुकिरहेका छौँ। हाम्रो शक्ति लुकिरहेको छ, आत्मनिर्भर रहन सकिरहेका छैनौँ। तपाईं स्वतन्त्र भएर हिँड्नुहोस्, गलत र सहि छुट्याएर हिड्नुहोस्, बिचमा आउने बाधा तथा व्यवधानहरु आफै किनारा लाग्छन।’

   
   
कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

प्रेम सुनार को बारेमा

पत्रकार प्रेम सुनार चर्चित रेडियो कार्यक्रम ‘ओझेलका खबर’का प्रस्तोता हुन्। उनी ओझेलका खबरका प्रमुख संवाददाता तथा संरक्षक पनि हुन। उनी दर्जनभन्दा धेरै मिडियामा आवद्ध छन्।

प्रेम सुनार द्वारा प्राकाशित अन्य समाचार हेर्नुहोस →