गुल्मी प्रशासन: बिहान ७ बजे देखि बाहिर बन्द भित्र खुल्ला

गुल्मी: शुक्रबार बिहान ७ बजेर १९ मिनेटको समयमा गुल्मी जिल्ला प्रशासन कार्यालय भित्र छिर्दा बाहिरी गेटको सानो ढोका खुल्ला थियो भने भित्रको ढोका बन्द थियो।

पछाडिको ढोकाबाट भित्र छिरेकी खरिदार करुणा न्यौपाने नागरिकता फाँटको कुर्चीमा बसेर काम सुरु गरिन। त्यो भन्दा पहिला ७ बजे अघि नै राहदानी फाँटमा कर्मचारी काममा व्यस्त थिए। बिहान त्यति बेला आउने कर्मचारी साँझ ९ बजे सम्म काम गर्ने गरेको सहायक प्रमुख जिल्ला अधिकारी हरिप्रसाद गैरेले बताए।

उनका अनुसार गत असोज महिनाको तुलनामा कार्तिक महिनामा सेवाग्राहीको संख्या झण्डै दोब्बर बढेको छ। भोलिका लागि आजै टोकन वितरण गर्नु पर्ने अवस्था छ। गैरे झैँ प्रमुख जिल्ला अधिकारी टेक बहादुर केसी पनि फाँटहरुमा पुगेर कर्मचारीहरुलाई सघाएको देखिन्छ।