गुल्मीको शान्तिपुरमा नग्न अवस्थामा एक किशोरीको शव फेला

गुल्मी: आज बिहान गुल्मीको शान्तिपुरको पुल मुनि खोलामा नग्न अवस्थामा एक किशोरीको शव फेला परेको छ।

जिल्ला प्रहरी प्रवक्ता डिएसपी डिल्लिनारायण पाण्डेले शव फेला परेको जानकारी आउना साथ अहिले प्रहरी शान्तिपुर तर्फ जादै गरेको बताए। स्थानीयले चन्द्रकोट गाउँपालिका-४ घर भई शान्तिपुर बजारको श्रीलंकाटोल बस्ने १५ वर्षिया किशोरी उदय मावि अगाडिको झोलुङ्गे पुल तल नग्न अवस्थामा मृत फेला परेको शान्तिपुरका युवा समाजसेवी कमल खत्रीले जानकारी दिए।

खत्रीले ती किशोरीको नाम विवरण जानकारी गराए पनि प्रहरीले गोप्य राखेका कारण हामीले खुलाउन सकेनौ। चन्द्रकोट गाउँपालिका अध्यक्ष युवराज खत्री क्षेत्रीका अनुसार हिजो दिउँसो करिब २ बजे सम्म खेतमा काम गरेको र त्यस यता उनि सम्पर्कविहिन थिईन। शव नग्न अवस्थामा रहेको प्रत्यक्षदर्शीले बताए।