विपन्नको सहारा बन्दै गुल्मीको तुराङ्ग बहुप्राविधिक शिक्षालय

कृष्ण अन्जान, गुल्मी: पार गुल्मीको व्यस्त बजार मजुवा पछिल्लो पटक बहुप्राविधिक शिक्षाकाे आधार इलाकाकाे रुपमा विकासित हुन थालेकाे छ। तुराङ्ग बहुप्राविधिक शिक्षालयकाे स्थापनाले मजुवा क्षेत्रकाे महत्त्व अझै बढेकाे देखिन्छ।

त्यसाे त मजुवा चन्द्रकाेट गाउँपालिकाकाे प्रशासकीय केन्द्रकाे रुपमा रहने हैसियत राख्छ। गाउँपालिकाकाे केन्द्र हुन नसके पनि चहल पहलले मजुवाकाे अस्तित्व घटेकाे छैन । अझै त्यसमा प्राविधिक शिक्षालय थपिएपछि प्राविधिक अध्ययनकाे नयाँ पाटाेले पनि मजुवाकाे उचाइ बढेकाे छ ।

वि. सं. २०७७ सालमा स्वीकृत प्राप्त गरेकाे तुराँग वहुप्राविधिक शिक्षालय मजुवामा कृषिकाे वालि विज्ञान,भेटनरी तर्फकाे र सिभिल इन्जिनियरिँग तर्फकाे पनि स्नातक पढाइकाे व्यवस्था भएकाे छ ।

तिनवर्षे काेर्स पढाइ हुने कृषि वालि विज्ञान, भेटनरी र सिभिल इन्जिनियरिँग मध्ये गत वर्ष देखि कृषि तर्फकाे वालिबिज्ञान तर्फकाे मात्र पढाइ शुरु गरिएकाे र भौतिक पुर्वाधारकाे निर्माण सँगै अरु विषयका पढाइहरु पनि शुरु गरिने तुराँग वहुप्राविधिक शिक्षालयका प्रमुख प्रदिप राज पाण्डेले जानकारी दिए ।

यतिबेला मानका टिकाराम बहुमुखी क्याम्पस मजुवाले उपलब्ध गराएकाे छ वटा काेठामा अध्ययन अध्यापन भईरहेकाे प्रमुख पाण्डेकाे भनाई छ ।

सबै फ्याकेल्टी चलाउन हामीलाई करिब एकसय राेपनि जग्गा चाहिने यसका लागि प्रक्रिया जारी रहेकाे पाण्डेकाे भनाई छ ।

कृषि वालिबिज्ञान तर्फकाे डिप्लोमा काेर्समा पहिलाे वर्ष २४ जना भर्ना भएकाे र दाेस्राे वर्ष १७ जना भर्ना भएर अध्ययन गरिरहेका छन।

तुराँग वहु प्राविधिक शिक्षालयमा हाललाई भर्नाका लागि चालिस सिट रहेकाे छ ।

प्राविधिक शिक्षालयलाई भाौतिक पुर्वाधार निर्माणका लागि स्थानीय दाताबाट करिब त्रिचालीस राेपनी जग्गा प्राप्त भएकाे छ र बाँकि जग्गाको व्यवस्थापनकाे तयारी भईरहेकाे स्थानीय सहयाेग समितिका अध्यक्ष चेतन बस्नेतले बताए ।

त्यसाे त रुपाकाेट क्षेत्रतर्फबाट पनि तुराँग प्राविधिक शिक्षालयकाे भौतिक पुर्वाधार बनाउनु पर्ने माग छ र शिक्षालयका लागि जग्गाकाे उपलब्धताका आधारमा पुर्वाधारका केही भाग रुपाकाेट क्षेत्रमा पनि बनाईने बताईन्छ ।

गरिब र विपन्न जसले शहरमा बसेर पढ्न सक्दैनन् उनिहरुकाे पहुँचमा प्राविधिक शिक्षा पुर्याउन स्थापना भएकाे यस शिक्षालयमा हुम्ला, रुकुम, जुम्ला ,लगायतका जिल्लाहरुबाट समेत विद्यार्थी आएर अध्ययन गर्छन ।

पछिल्लो पटक गाउँघरमा सीप र स्वराेजगारकाे आवाज युवाहरूले उठाई रहँदा यस प्रकारकाे बहुप्राविधिक शिक्षालयहरुमा अल्पकालिन र दिर्घकालिन सीप सिकाईलाई जाेडेर ग्रामीण क्षेत्रमा युवाहरुलाई स्वराेजगारकाे व्यवस्थापन गर्नसकििने देखिएकाे छ।