Awareness

बालसिंह काउछा गुल्मीको सर्वसम्मत अध्यक्ष हो ः गोकर्ण बिष्ट



प्रेम सुनार
१ महिना अगाडि


Place for ads

गुल्मी, जेठ ३२ । नेकपा एमाले गुल्मीका नवनिर्वाचित अध्यक्ष बालसिंह काउछा सर्वसम्मत अध्यक्ष भएको सो पार्टीका सचिव गोकर्ण बिष्टले बताएका छन । नेकपा एमाले गुल्मीको १२ जिल्ला अधिवेशनका शुक्रबार समापन समारोहलाई सम्बोधन गर्दै प्रमुख अतिथी नेता बिष्टले यस्तो बताएका हुन ।

सर्वसम्मत नेतृत्व चयनको अन्तिममा आएर उहाँलाई प्रतिस्पधी उमेदवार हिरा एसी सहितका उमेदवारहरुले अधयक्षमा काउछालाई सर्वसम्मत स्वीकार गरिएकै हो । तर पछि के कुरामा मिलेन र मदतान प्रकृयामा जानु प¥यो नेता बिष्टले भने मतदानबाट विजयी मात्रै होईन उहाँ सर्वसम्मत अध्यक्ष नै हो ।

अध्यक्ष पदमा काउछा सबै भन्दा लोकप्रिय मत लिएर विजयी भएका छन । त्यस्तै उपाध्यक्षमा जिवन खरेल , सचिवमा धर्म बिश्वकर्मा ,उपसचिवमा चक्रबन्धु भुसाल पनि प्रतिस्पर्धी भन्दा निकै फराकिलो मतात्तरले विजयी भएका छन । महिला उपसचिवमा लक्ष्मीदेवि पन्थ निर्विरोध निािर्चत भएकी छ्न  ।
अध्यक्ष काउछाले ३८४ मत ल्याउँदा प्रतिस्पर्धी हिरा एसीले २०२ मत प्राप्त गरेका थिए । त्यस्तै उपाध्यक्षमा खरेलले ३४८ मत ल्याउँदा प्रतिस्पर्धी गणेश श्रीपालीले २१४ मत ल्याएका थिए । त्यस्तै सचिवमा बिश्वकर्माले ३१७ मत ल्याउँदा प्रतिस्पर्धी पदम अर्यालले १९० मत प्राप्त गरेका थिए ।
त्यस्तै उपसचिवमा भुसालले ३४८ मत प्राप्त गर्दा प्रतिस्पर्धी ओम कार्कीले २१६ मत ल्याएका थिए । अध्यक्ष काउछा पछि दोश्रो लोकप्रिय मत युवा कलस्टरबाट ३० बर्षिय युवा कपुर घिमिरेल ३६२ मत प्राप्त गरेका छन ।

पदाधिकारी सहित कुल १०३ सदस्यीय जिल्ला कार्य समिति निर्वाचित भएको शुक्रबार सदरमुकाम तम्घासमा आयोजित १२ औं जिल्ला अधिवेशन समापन समारोहमा प्रमुख निर्वाचन अधिकृत अधिबक्ता गोपाल खनालले घोषणा गरेका थिए ।

समापन समारोहमा अध्यक्ष पदका उपविजेता बनेका हिरा एसी निर्वाचित अध्यक्ष काउछाको कोखमै बसेर मिठासपुर्ण सम्वाद गरिरहेका थिए । उपविजेता अन्य पदाधिकारीमा पनि निरासा देखिदैन्थ्यो । त्यो दृश्यले नेकपा एमाले गुल्मी मदतानमा स्वस्थ्य प्रतिस्पर्धा पछि पार्टी एकताको पुरानै लयमा फर्केको भन्ने सन्देश दिएको थियो ।

मन्तब्यका क्रममा उपविजेता एसीले पनि त्यही सन्देश प्रवाह गर्दै काउछा नेतृत्वको जिल्ला कार्य समितलाई पहिला जस्तै गरेर पार्टी काम र अभियानमा खटने प्रतिबद्धता जनाएका थिए ।

नवनिर्वाचित अध्यक्ष काउछाले पनि उपविजता सार्थीहरुलाई भुमिकाविहिन नपारी पार्टीलाई एक ढिक्का बनाउने र मिशन चौरासी सफल पार्ने उद्घोष गरेका थिए ।

Awareness by SKF

समापन समारोहको अध्यक्षता गरिरहेका सो पार्टीका केन्द्रिय सदस्य तथा गुल्मी जिल्ला ईन्चार्ज सुर्य थापाले निर्वाचित कार्य समितिलाई बधाई दिदै सफलता मिलोस भन्ने शुभकामना दिएका थिए ।

जेठ २९ गतेका दिन उपमहासचिव प्रदिप ज्ञवालीद्धारा उदघाटन गरिएको अधिवेशनको तिन दिन सम्म नेताहरुले सर्वसम्मत नेतृत्व चयनका लागि घनिभुत प्रयास गरेका थिए । तर सफल हुन ननसकी मतदान भएको हो ।

उक्त समारोहमा नेकपा एकिकृत समाजवादी पार्टीका प्रदेश कमिटी सदस्य तथा जिल्ला कमिटी उपाध्यक्ष चन्द्र सुनारको नेतृत्वमा दर्जन बढि कार्यकर्ता सो पार्टी परित्याग गरी नेकपा एमालेमा प्रवेश गरेका थिए ।

सुनार एमाले पुर्व जिल्ला कमिटी सदस्य थिए । त्यस्तै एकिकृत समाजवादी पार्टीकी केन्द्रिय परिषद सदस्य तथा प्रदेश कमिटी सदस्य निर्मला राउत , जिल्ला कमिटी सचिवालय सदस्यद्धयः लक्ष्मण सुनार र रेशम पाण्डे पनि एमालेमा प्रवेश गरेका छन ।

समापन समारोहमा पुर्व सांसद तथा एमाले केन्द्रिय सल्लाकार समित सदस्य कमल राज श्रेष्ठ , पुर्व अध्यक्षहरु , पुर्वपदाधिकारीहरुको आतिथ्यता रहेको थियो । कार्यक्रमको सहजिकरण युवा नेता राजेन्द्र अर्यालले गरेका थिए

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

प्रेम सुनार को बारेमा

पत्रकार प्रेम सुनार चर्चित रेडियो कार्यक्रम ‘ओझेलका खबर’का प्रस्तोता हुन्। उनी ओझेलका खबरका प्रमुख संवाददाता तथा संरक्षक पनि हुन। उनी दर्जनभन्दा धेरै मिडियामा आवद्ध छन्।

प्रेम सुनार द्वारा प्राकाशित अन्य समाचार हेर्नुहोस →