मुसिकोटका पूर्ण कुमालको उपचारार्थ संकलित आर्थिक सहयोग हस्तान्तरण (भिडिओ सहित)

गुल्मी: पिसाब सम्बन्धी गम्भीर स्वास्थ्य समस्याबाट पीडित गुल्मीको मुसिकोटका पूर्ण कुमालको उपचारार्थ गाउँवासी युवाहरुको पहलमा संकलित सहयोग रकम हस्तान्तरण गरिएको छ।

गुल्मीको मुसिकोट नगरपालिका-३, तोलादीका पूर्ण कुमाल लामो समयदेखि पिसाब सम्बन्धी गम्भीर स्वास्थ्य समस्याका कारण थलिएका भएपनि कमजोर आर्थिक अवस्थाका कारण उपचारबाट वञ्चित थिए।

गाउँवासी समाजसेवीहरु र सञ्चारकर्मीको पहलमा केही सहयोग रकम संकलन गरियो र उनलाई काठमाडौंको एक अस्पतालमा उपचारार्थ भर्ना गरिएको थियो। उपचाररत उनलाई फेरि आर्थिक अभाव खट्किएकोले हाल वैदेशिक रोजगारीको सिलसिलामा विदेशमा रहेका गाउँवासी युवाहरुको सक्रियतामा ‘पूर्ण कुमाल बचाऔँ अभियान’ सञ्चालन गरिएको थियो।

सो अभियान अन्तर्गत हाल जापानमा कार्यरत युवराज कुमाल र चेक रिपब्लिकमा कार्यरत ऋषिराम गिरी, दिपक कार्की, विशाल अधिकारी लगायतका युवाहरुको पहलमा संकलित सहयोग रकम सञ्चारकर्मी र स्थानीय समाजसेवीहरुको उपस्थितिमा हस्तान्तरण गरिएको हो।

यस अभियानमा हातेमालो गर्ने सम्पूर्ण सहयोगदाताहरुको नामावली:

सहयोग हस्तान्तरण कार्यक्रमको भिडिओ हेर्नुहोस्: