गुल्मीका भाइरल बिरे दाईको ठाडो भाका गीत सार्वजनिक (भिडियो सहित)

गुल्मी: गुल्मीका भाइरल बिरे दाईको ठाडो भाका गीत माघे सङ्क्रान्तिको अवसर पारेर आज अपरान्ह ३ बजे सार्वजनिक गरिएको छ। वामी-विश्व सम्पर्क मञ्च, नौमती सांस्कृतिक समितिको संस्कृति संरक्षण अभियान अन्तर्गत उक्त गीत निर्माण गरी सेरोफेरो नेपाल युट्युब च्यानल मार्फत सार्वजनिक गरिएको हो।

भाइरल बिर बहादुर विश्वकर्मा ‘बिरे दाई’ र चर्चित गायिका शर्मिला गुरुङको आवाजमा सजिएको गीत नेपाली मौलिक लोक भाका ठाडो भाकामा आधारित छ। मौलिक संस्कृतिको संरक्षण र संवर्द्धनमा अनवरत रूपमा महत्वपूर्ण भूमिका निर्वाह गर्दै आइरहेको यस संस्थाले यस अघि पनि मौलिक लोक भाकामा आधारित गीतहरु निर्माण गरिसकेको छ। लोक गीत र कलाकारको संरक्षण र प्रवर्द्धन गर्ने संस्थाको उद्देश्य अनुरुप नै यो गीतको निर्माण गरिएको हो।

यस गीत निर्माणका क्रममा अज्ञात ९९९ (परिचय नखुलाइएको) र पारस बोहोराले आर्थिक सहयोग उपलब्ध गराउनु भएको थियो।

समाजसेवी विष्णु कुमारी सापकोटा र विष्णु कार्की, लालमाया विक, सुनकली छन्त्याल, कमल बराल, पुनम दर्लामी मगर, दुर्गा बहादुर बोहोरा, केशर बहादुर रायमाझी, विजय काफ्लेको पनि विशेष भुमिका रहेको छ।

‘लोपोन्मुख हाम्रा मौलिक लोकलयको संरक्षण र प्रवर्द्धन हाम्रो अभिष्ट हो।’ संस्थाद्वारा जारी विज्ञप्तीमा उल्लेख गरिएको छ।

गीत: मौलिक ठाडो भाका
शब्द/लय: बिर बहादुर विश्वकर्मा
गायक: बिरबहादुर विश्वकर्मा
गायिका: शर्मिला गुरुङ
एरेन्जर: बिबी अनुरागी
स्टुडियो: प्रिज्मा डिजिटल रेकर्डिङ स्टुडियो
निर्देशक: लोकेन्द्र शाह
छायांकन: मनिष पन्त
लिपसिङ्क: बिर बहादुर विश्वकर्मा र ज्ञानु सुनार
नृत्य कलाकारहरु: पुनम दर्लामी, सुनिता छन्त्याल, सिम्रन बज्राचार्य, पवन सुनार, सुजन सुनार, आयुश विक, प्रियंका परियार, सन्जु परियार, आशिष परियार, सुरज परियार, प्रतिक्षा कार्की, प्रशंसा कार्की, प्रतिमा कार्की र दिप्सन छिनाल

उक्त म्युजिक भिडियो हेर्नुहोस् र शेयर गर्नुहोस्: