गुल्मी: नेपाली कांग्रेस लुम्बिनी प्रदेश सभापतिमा अमरसिंह पुन मगर निर्वाचित भएका छन्। भर्खरै सकिएको मतगणना अनुसार वरिष्ठ नेता रामचन्द्र पौडेल निकट अमरसिंहले ८ सय ५२ मत ल्याएर सभापति निर्वाचित भएका हुन्।
सभापतिका अर्का प्रत्यासी पार्टी सभापति शेरबहादुर देउवा निकट भरतकुमार शाहले ७ सय ६७ मत ल्याएका छन्। प्रदेश कार्यसमितिका अधिकांश पदाधिकारी तथा सदस्य पनि अमरसिंहकै प्यानलबाट निर्वाचित भएका छन्।
उपसभापतिमा भुवनप्रसाद श्रेष्ठले ८ सय ४७ र राजु खनालले ७ सय ९२ मत ल्याएर निर्वाचित भए। खनाल प्रधानमन्त्री देउवा पक्षका हुन्।
महामन्त्रीमा पौडेल पक्षका विक्रम खनालले ८ सय ४४ र सुरेन्द्रराज आचार्यले ८ सय ३९ मत ल्याएर विजयी भए भने सहमहामन्त्रीमा निमा गिरी ८ सय ३०, विष्णु खनाल मुस्कान ८ सय ५९ र खगराज पाण्डेले ७ सय ७६ मत ल्याएर निर्वाचित भएका छन्।
लुम्बिनीमा एक हजार ६ सय ४८ मतदाता रहेकोमा एक हजार ६ सय ३१ मत खसेको थियो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
