बुर्तिबाङमा कार्यक्रम भोलि पनि जारी, पुरुष भलिबलमा गल्कोट ‘बी’ र ढोरपाटन ‘ए’ फाइनल प्रवेश

बागलुङ: जिल्लाको ढोरपाटन नगरपालिका र बुर्तिबाङ राइजिङ क्लबको संयुक्त आयोजनामा दोस्रो ढोरपाटन मेयर रनिङ गोल्डकप प्रतियोगिता आज पनि जारी रहेको छ।

बुर्तिबाङ राइजिङ क्लबको १९ औँ बार्षिको उत्सवको अवसर तथा दोस्रो ढोरपाटन मेयर रनिङ गोल्डकप प्रतियोगिता अन्तरगत विभिन्न प्रतियोगितात्मक कार्यक्रमहरुको आयोजना गरिएको थियो।

कार्यक्रम अन्तरगत खुल्ला एकल नृत्य, पन्चेबाजा, सरायँनाच प्रर्दशन, सोलोबाईक रेस प्रतियोथिता सम्पन्र्न भैसकेको छ। आज भएकोे खुल्ला सामुहिक नित्य प्रतियोगितामा ५ टिमको सहभागिता रहेको थियो। अहिले प्रतियोगिता सकिएको र नतिजा आउन बाकी रहेको जनाईएको छ।

बिहिबार बाट सुरु भएको पुरुष भलिवल प्रतियोगितामा ११ टिमको सहभागिता रहेको थियो। जस अनुसार आज भएको म्याचमा. पुरुष तर्फको सेमिफाईनल खेल गलकोेट नगरपालिका ए र ढोरपाटन ए बिच भएको थियो जसमा ढोरपाटन ए, गलकोट बि र निसीखोला ए बिचको खेलमा गलकोट बि फाईनल प्रवेश गरेका छन्।

यस्तै आज भएको महिला तर्फको सेमिफाईनल खेलमा तमानखोला ए र ढोरपाटन बि बिचको खेलमा तमानखोला ए र तमानखोला बि र ढोरपाटन ए बिचको खेलमा तमानखेला बि फाईनल प्रवेश गरेका छन्।

बाँकी रहेका प्रतियोगिता सगैँ फाईनल खेल भोली नै हुने जनाईएको छ। हरेक दिनको साझँ विभिन्न कलाकारको प्रस्तुति सगैँ सास्कृतिक कार्यक्रम हुने आयोजकको भनाई छ।