गुल्मीमा खोलाले बगाएको जीप यस्तो अवस्थामा भेटियो

विष्णु प्रसाद आचार्य ‘चकित’, गुल्मी: जिल्लाको सत्यवति गाउँपालिकाको खैरेनी-रुद्रावेणी सडकखण्डमा खोलाले बगाएको जिप ८०० मिटरको दुरीमा भेटिएको खोजी कार्यमा संलग्न ज्ञानहरि सापकोटाले जानकारी दिनुभएको छ।

जीप क्षतविक्षत अवस्थामा भेटिएको सापकोटाले बताउनुभयो। खोज्ने क्रममा बुधबार दिउँसो करिब ४ बजेको समयमा भेटिएको बताइएको छ। खोजी कार्यमा प्रहरी लगायत गुल्मी जीप व्यवसायी समितिका रुपकलाल श्रेष्ठसंगै अन्य सदस्यहरुको साथमा स्थानीय सरोकारवालाहरु, समाजसेवीहरुको उपस्थिति रहेको थियो।

यो पनि हेर्नुहोस्: गुल्मीमा जिप खोलाले बगायो, खोजीकार्य जारी (भिडियो सहित)

माथिबाट आएको डहरे खोलाले उक्त जिप बगाएको हो। बुटवल देखि भुवाचिदीको लागि छुटेको लु १ ज ३४३२ नम्बरको बालेरो जिप खोलाले बगाएको र खोजीको क्रममा भेटिएको इलाका प्रहरी कार्यालय जोहाङ्ग गुल्मीले जनाएको छ।

उक्त जिपमा चालक सहित ९ जना यात्रुहरु रहेका थिए। जिप खोला नजिक दलदलमा फसेको र यात्रु र चालक झरिसकेपछि माथिबाट आएको लेदो सहितको पानीले उक्त जिप बगाएको प्रहरीको भनाइ छ।

जिपमा सवार सबै यात्रु सुरक्षित रहेपनि उनिहरुको सबै समानहरु भने गाडिसंगै बगेको छ। यस अघिको वर्षातको समयमा पनि उक्त खोलाले माल बाहक ट्रक पनि बगाएको थियो।