गुल्मी: गुल्मीको मालिका गाउँपालिका-४, डाँडाँ क्षेत्रमा चट्याङ पर्दा दुई महिला घाइते भएका छन् ।
मंगलबार साँझ करिब ६ः४५ बजेतिर परेको चट्याङका कारण स्थानीय २१ वर्षीया बसन्ता घर्ती घाइते भएकी हुन् । उनको अनुहार र छातिमा चोट लागेको प्रहरीले जनाएको छ । अवस्था सामान्य रहेपछि उपचारका लागि अर्खावाङ स्वास्थ्य चौकी पठाइएको छ ।
त्यस्तै सोही स्थानकी ३२ वर्षीया कुटला बिष्ट रोकाहा पनि चट्याङबाट सामान्य घाइते भएकी छन् । उनको खुट्टामा सामान्य चोट लागेको र घरमै उपचार भइरहेको बताइएको छ ।
घटनाको खबर बुधबार बिहान प्राप्त भएपछि प्रहरी सहायक निरीक्षक मानबहादुर घर्तीको कमाण्डमा प्रहरी टोली घटनास्थल पुगेको थियो ।
प्रहरीका अनुसार घटनास्थल अर्खाबाङ प्रहरी पोष्टबाट करिब ३ किलोमिटर पश्चिममा पर्छ । अन्य विवरण आउन बाँकी छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
