तिनाउ खोलामा बेपत्ता दुबै युवक मृत फेला

चैत्र -९ , पाल्पा । दुई दिन अघि पाल्पाको तिनाउ खोलामा नुहाउने क्रममा बेपत्ता भएका दुबै जना युवक मृत फेला परेका छ्न ।
  जिल्ला प्रहरी कार्यालय पाल्पाका अनुसार बेपत्ता मध्ये भारतको सन्तकबीर नगर निवासी १७ वर्षीय अमन अन्सारीको शव आज बिहान १० बजेर १० मिनेटमा फेला परेको थियो   ।

त्यस्तै  आजै अपरान्ह ३.५५ बजेको समयमा बजेको समयमा अर्का बेपत्ता सोही उमेरका भारतीय नागरिक फरान अन्सारिको पौडी खेल्ने स्थान भन्दा दुई सय मिटर तल मृत फेला परेका हुन ।

अस्ति दिउँसो करिब ४ बजेको समयमा भारतबाट घुम्न आएका ७ जनाको समूह खोलामा नुहाउने क्रममा दुई जना युवकलाई खोलाले बगाउँदा बेपत्ता भएका हुन्।
अन्य ५ जना भने सकुशल रहेका प्रहरीले जनाएको छ।