गुल्मीको मालिकामा आफ्नै छोराले गरे बाबुको हत्या

गुल्मी: शनिबार दिउँसो गुल्मीको मालिका गाउँपालिका-३, ह्वाङ्दी म्याला गाउँमा छोराले धारिलो हतियार प्रहार गरी बाबुको हत्या गरेका छन् भने आमालाई गम्भिर घाइते बनाएका छन।

त्यस गाउँका २३ बर्षिय भोट बहादुर विकले आफ्नै बुवा अन्दाजी ५० बर्षिय धन बहादुर वि.क. र आमा अन्दाजी बर्ष ४८ की दिलमाया विकलाई धारिलो हतियार हँसिया र काठको किला ठोक्ने मुंग्रो प्रहार गरेर बाबुको घटनास्थलमै मृत्यु भएको र आमा गम्भिर घाईते भएको प्रहरीले जनाएको छ।

उक्त घटनाको जानकारी पाउना साथ प्रहरी चौकी अर्खबाङ्गबाट र ईलाका प्रहरी कार्यालय पुर्कोटदहबाट प्रहरी निरीक्षक रेवन्त सेनको कमान्डमा प्रहरी टोली घटनास्थलमा पुगेर अनुसन्धान थालेको थियो।

जिल्ला प्रहरी कार्यालय गुल्मीका अनुसन्धान अधिकृत डिएसपी गङ्गा बहादुर सारुले मृतक बाबुको शव पोस्टमार्टमका लागि गुल्मी अस्पतालमा ल्याईएको ओझेलका खबरलाई जानकारी दिनुभएको छ। घम्भिर घाईते आमालाई थप उपचारका लागि लुम्बिनी प्रादेशिक अस्पताल बुटवल पठाईएको छ।

बाबुको हत्या गर्ने छोराको मानसिक सन्तुलन ठिक नभएको जानकारी प्राप्त भएको छ। स्मरण रहोस केहि दिन अघि मात्र मानसिक सन्तुलन ठिक नभएका गुल्मीको भनभनेका अर्का एक व्यक्तिले आफ्नै बाबुआमाको घर गोठ जलाएर नष्ट बनाएका थिए। यस्ता मानिसहरुको व्यवस्थापन सरकारी निकायले नगर्दा जघन्य अपराधका घटना समाजमा वृद्धि हुँदै आएका छन। यस प्रति सरकारी निकाय बेलैमा गम्भीर हुनुपर्ने देखिएको छ।