चन्द्रकोटमा आगलागी हुँदा १४ वटा बाख्रा जलेर मरे

गुल्मी, कार्तिक ८: गएराती गुल्मीको चन्द्रकोटमा एक व्यक्तिको गोठमा आगोलागी हुँदा १४ वटा बाख्रा र ६ वटा कुखरा जलेर मरेका छन।

त्यस पालिका वडा नम्बर –५ किटनी गाउँका धनबहादुर बिटालुको खरले छाएको गोठमा आगोलागी हुँदा ति बाख्रा ,कुखरा मर्नुको साथै अन्नपात कपडालत्ता समेत जलेर क्षति भएको हो।

उक्त घटनाको जानकारी ईलाका प्रहरी कार्यालय चन्द्रकोटले साढे ११ बजेतिर पाउन साथ प्रहरी हबल्दार खिबहादुर बगालेको कमाण्डमा दुई जना प्रहरी टोली पुगेको जिल्ला प्रहरी कार्यालय गुल्मीले हामीलाई जानकारी गराएको छ।

प्रहरी र स्थानीयको सहयोगमा आज बिहान करिब २ बजेको समयमा आगो नियन्त्रणमा आएको बताईएको छ । आगोलागी के कसरी भयो भन्ने बारे भने प्रहरीले खुलाएको छैन ।

तिहार भित्रिए यता घर– गोठमा आगोलागी बढेका कारण सजग रहन जिल्ला प्रहरी कार्यालय गुल्मीले सञ्चार माध्यमहरुमा समेत सुचना प्रशारण गर्दै आएको छ ।