नवलपरासी सेवा समाज कतारले शुक्रबार स्थापना मनाउने

बाबुराम महत
दोहा कतार, असोज २९: नवलपरासी परासी सेवा समाज कतारले आगामी शुक्रबार आफ्नो सातौ स्थापना दिवस मनाउने भएको छ ।

“आपसी सहयोग सद्भाव र एकता, सामाजिक सेवामा हाम्रो प्रतिबद्धता” भन्ने मुल नारा सहित कतारमा सन् २०१८ मा स्थापना भएको समाजले यो वर्ष सचेतना एवं बिजया दशमी, शुभ दिपावली र छट पर्व २०८२ को शुभकामना आदानप्रदान कार्यक्रम सङ्गै आफ्नो सातौं स्थापना दिवस मनाउने भएको हो ।

कार्यक्रममा साँस्कृतिक प्रस्तुतिहरु सहित सचेतना कार्यक्रम र प्रोजेक्टर मार्फत कतार बसाईको अनुभव समेटिएको एउटा संघर्षको कथा पनि प्रस्तुत गरिने छ ।

समाजले आगामी शुक्रबार अर्थात १७ अक्टोबर २०२५ को दिन मुन्ताजा पार्क नजिकै रहेको गोर्खाली रेष्टुरेन्टको सभाहलमा हुने भएको छ ।

उक्त कार्यक्रममा उपस्थितिको लागि लुम्बिनी प्रदेश समन्वय परिषद कतारका अध्यक्ष, संरक्षक, सल्लाहकारहरु सहित प्रदेश अन्तर्गतका जिल्ला संस्थाका प्रमुख तथा प्रतिनिधिहरु, पत्रकार एवं कलाकारहरु लाई पत्रचार गरिसकेको र कार्यक्रमको अन्तिम तयारी भइरहेको समाजका अध्यक्ष दुर्गा हमाल ठकुरीले ओझेल का खबर लाई जानकारी दिनु भयो ।

हमाल ठकुरीले दिउँसो १२ बजेबाट सुरु हुने कार्यक्रममा परदेशमै भए पनि आपसी सद्भाव र एकताको लागि जति सक्दो धेरै दोहाबासी नेपालीहरु एकै ठाउँमा उपस्थित भएर दु:ख सुख साट्दै राष्ट्रिय पर्वको शुभकामना आदानप्रदान गर्ने सुनौलो अवसर भएकोले सम्पुर्णलाई उपस्थितिको लागि अनुरोध गर्नु भएको छ ।

  समाजले स्थापना कालदेखि नै कतारमा मात्रै नभएर नेपालमा पनि विभिन्न सामाजिक कार्यहरू गर्दै आएको छ ।