गुल्मी: केहि दिन अघि गुल्मीमा एउटी १२ बर्षिया बालिकालाई बलात्कार गरेको आरोपमा एक जना पुरुषलाई प्रहरीले पक्राउ गरेको छ।
यहि असोज ११ गते साँझ करिव ७ बजेको समयमा नाम गोप्य राखिएकी एउटी १२ बािर्षया बालिकालाई बलात्कार गरेको आरोपमा जिल्लाको चन्द्रकोट गाउँपालिका-४, शान्तिपुरका २५ बर्षिया राजु सार्कीलाई यहाँको प्रहरीले पक्राउ गरेको हो।
पीडित बालिकाका अभिभावकहरुले असोज १३ गते जबरजस्ती करणी सम्बन्धी जाहेरी दिए पछि निजलाई पक्राउ गरिएको जिल्ला प्रहरी कार्यालय गुल्मीका सुचना अधिकारी डिएसपी गंगाबहादुर सारुले जानकारी दिनु भएको छ। त्यस्तै उहाँले दशैँ बिदा सकिए लगतै निजलाई जिल्ला अदालत गुल्मीमा पेश गरिएको र १५ दिन म्याद थप गरी अनुसन्धान अगाडी बढाईएको बताउनु भयो।
स्मरण रहोस् दुई बर्ष अघि त्यसै शान्तिपुरमा एक जना पुरुषले एउटी बालिकालाई बलात्कार पछि हत्या गरेर हुग्दीखोलामा फालेको अबस्थामा दोश्रो दिन प्रहरीले फेला पारेको थियो। हत्यामा संलग्न पुरुषलाई उसै दिन यहाँको प्रहरीले पक्राउ गरेको थियो। निजलाई जिल्ला अदालतले आजिवन कारावास सजायँको फैसला गरेको थियो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
