गुल्मीमा पहिरोका कारण दुई परिबार घर बाट विस्थापित

गुल्मी , असोज -१ । अविरल वर्षा सङ्गै घर मुनी बाट झरेको पहिरोले उच्च जोखिममा परे पछि एकै घरमा बस्ने गुल्मीका दुई परिबार घर बाट विस्थापित भएका छ्न ।
जिल्लाको गुल्मीदरबार गाउँपालिका -२ छहरा भन्ने स्थानका एउटै घरमा बस्ने सासु नन्दकली बि.क. र बुहारी सुसिला बि.क. सहित ७ जनाको परिबार भदौ ३० गते दिउँसो देखि घरबाट विस्थापित भएका हुन ।
जिल्ला प्रहरी कार्यालय गुल्मीले पठाएको विवरण अनुसार ढुङ्गा माटोले बनेको टिनले छाएको एक तले कच्ची घर अगाडी आँगन बाट पहिरो गए पछि त्यो परिबार विस्थापित भएका हुन ।
हिडडुल गर्न तथा बस्न जोखिम भएपछि बिक परिबारलाई प्रहरी चौकी मजुवाबाट प्रहरी सहायक निरीक्षक शिवधन प्रसाद कठरियाको कमान्डमा खटिएको प्रहरीले उद्दार गरि छिमेकी अमृता बिकको घरमा सारेको थियो ।