नेपाल कुरियर सेवा संघ, लुम्बिनीको अध्यक्षमा पोखरेल

गुल्मी: नेपाल कुरियर सेवा संघ लुम्बिनी प्रदेशको अध्यक्षमा श्रीधर पोखरेल सर्वसम्मत निर्वाचित भएका छन् । संघको शनिबार बुटबलमा सम्पन्न दोस्रो अधिवेशनबाट पोखरेलको अध्यक्षतामा ११ सदस्यिय समितिको सर्वसम्मत गठन गरिएको हो । समितिको बरिष्ठ उपाध्यक्षमा ओमस थापा, उपाध्यक्षमा सुरेन्द्र पाण्डे, सचिवमा जनक पन्थ, कोषाध्यक्षमा भिष्मराज कोइराला निर्वाचित भएका छन्।

त्यस्तै सदस्यहरुमा निर्मला भण्डारी, सविन श्रेष्ठ, चन्द्र बहादुर विक, हिरालाल भण्डारी र बालगोन्द्र चौधरी निर्वाचित भएका छन् । नवनिर्वाचित कार्यसमितिको कार्यकाल दुई बर्षको लागि हुनेछ । नवनिर्वाचित अध्यक्ष पोखरेलले कुनै पनि सामान, चिठ्ठी, पत्र, कागजात वा अन्य वस्तुहरु एक स्थानबाट अर्को स्थानमा छिटो र सुरक्षित रुपमा पु¥याउनको लागि कुरियरले धेरै भूमिका खेलेको बताए ।

उनले हरेक जिल्लामा यो व्यवसायलाई थप व्यवस्थित बनाउने कार्यमा नवनिर्वाचित समितिले पहल गर्ने धारणा राखे । हाल कुरियर संघले कुरियर सेवामा संलग्न कम्पनी तथा एजेन्टहरुको हित र अधिकारको संरक्षण, सेवाग्राहीलाई गुणस्तरीय सेवा प्रदान गर्ने मापदण्ड निर्धारण गर्ने, सरकारसँग नीति, कानुन र करसम्बन्धि बिषयमा संवाद गर्ने पुलको काम गर्ने, अन्तराष्ट्रिय कुरियर संघहरुसँग सहकार्य गरेर सेवा स्तर बढाउने, कुरियरमा आवद्ध व्यक्ति तथा संघ संस्थाको विवाद समाधान, तालिम तथा क्षमता अभिवृद्धि लगायतका काम गर्दै आएको छ ।