भागेर गुल्मी आएका थाबाङ्गका प्रमुख प्रशासकिय अधिकृत सहितका कर्मचारी फर्किए

               तस्वीरः अनलाईन खबरबाट
प्रेम सुनार
गुल्मी, असार २६ । असार मशान्त भित्रको रकम भुक्तानीको दवाव खेप्न नसकेर असार २४ गते विहान देखि भागेर  हिजोराती गुल्मी आएका रोल्पा थबाङ्ग गाउँपालिकाका प्रमुख प्रशासिकय अधिकृत सहित ७ जना कर्मचारीको टोली आज विहान गुल्मीबाट फर्किएका छन ।
थबाङ्ग गाउँपालिकाका प्रमुख प्रशासकिय अधिकृत हेमराज घर्ति सहित ७ जना कर्मचारीको टोली उक्त दिन विहान देखि त्यस पालिकाबाट सम्पर्कहिन भएका थिए । फोन स्वीचअफ गरेर सम्पर्क विहिन भएका उनीहरु त्यहाँबाट भागेर गुल्मीको सदरमुकाम तम्घासमा राती आई पुगेका थिए ।

केन्द्र देखि नै खोजतालको लागि दबाव आए पछि रातभर उनिहरुलाई यहाँको प्रहरीले खोजतलास ग¥यो उनिहरुलाई तम्घासकै निलगिरि पार्र्टी प्यालेसमा फेला पारियो । सोधपुछ पछि , थबाङ्ग गाउँपालिका अध्यक्ष ऋषिकेशव बुढामगरलाई सुचित गरियो ।

अन्यत्र प्रम्ुख जिल्ला अधिकारीज्युलाई पनि अवगत गराईयो । त्यस पछि उहाँहरुलाई अर्घाखाँचीको बाटो हुँदै पठाईएको छ , जिल्ला प्रहरी कार्यालय गुल्मीका प्रमुख एसपी नारायण प्रसाद अधिकारीले भन्नु भयो उहाँहरुलाई रकम भुक्तानीका लागि निकै दवाव र धम्की आए पछि भागेका हौं भन्दै हुनुहुन्थ्यो । ’

उता थबाङ्ग गाउँपालिकाले विज्ञप्ति निकालेर खोजतजास गरेको छ । विज्ञप्तिमा भनिएको छ, “कार्यालयको तर्फबाट सम्पर्क गर्दा सबैको मोबाइल अफ रहेको हुँदा कार्यपालिकाको कामकाजमा समस्या भएको छ।

यथासिघ्र सम्पर्कमा आउनुहुन र जानकारी पाउनु भएका महानुभावहरूले यस पालिकालाई जानकारी गराउनहुन अनुरोध गर्दछौं।”
विज्ञप्तीमा सम्पर्क विहिन हुनेहरुको नाम यस प्रकार उल्लेख छ । हेमराज घर्तीमगर – प्रमुख प्रशासकीय अधिकृत , हरिश माझी – सहायक प्रशासन पाँचौँ , यज्ञ प्रसाद कँडेल – सह लेखापाल , चन्द्र प्रकाश ओली – सव इन्जिनियर , निशा आचार्य – सव इन्जिनियर , शिव कुमार वली – खानेपानी सरसफाई टेक्नििसियन, प्रदीप केसी – सवारी चालक  ।

यसरी भाग्नुलाई स्थानीयलाई उदृत गदैंै अनलाईन खबरले शंकास्पद भनेर छापेको छ । त्स अनलाईन लेख्छ – थबाङ गाउँपालिका वडा नम्बर २ का पूर्ववडाध्यक्ष समेत रहेका बसन्त रोकामगरले ठेक्कापट्टामा ‘बार्गेनिङ’ नमिलेपछि कर्मचारीको टोली नै सम्पर्कमा नआएको भन्दै उनीहरुविरुद्ध मुद्दा हाल्ने बताएको अनलाईन खबर लेख्छ ।

‘क्लोजिङको समय थियो । राति दुई–तीन बजेसम्म पनि बसेर ठेकेदारलाई भुक्तानी दिइएको भन्ने छ । यही अवस्थामा उहाँहरु बार्गेनिङको लागि भाग्नुभयो भन्ने हामीले बुझेका छौं । अब स्थानीय सबै मिलेर मुद्दा हाल्छौं,’ उनले भने ।