गुल्मीमा बालमैत्री स्थानीय शासनयुक्त वडा घोषणा गर्ने पहिलो पालिका बन्यो धुर्कोट

गुल्मी: गुल्मीको धुर्कोट गाउँपालिका बालमैत्री स्थानीय शासनयुक्त वडा घोषणा गर्ने पहिलो पालिका बनेको छ। धुर्कोटले आज आईतवार वडा नम्बर -१ नयाँगाउँलाई बालमैत्री स्थानीय शासनयुक्त वडा घोषणा गरेर जिल्लाका १२ पालिका यस्तो इतिहास रच्न क्स्क्स क वव सफल भएको हो। घोषणा सभाको उद्घाटन प्रमुख अतिथि जिल्ला समन्वय प्रमुख द्रोण बहादुर खत्रीले उद्घाटन गरेका थिए।

त्यस्तै खत्रीले घोषणा पत्र वाचन गर्दै धुर्कोट वडा नम्बर १ लाई बधाई दिनु भएको थियो ।

उहाँले घोषणाको ताम्रापत्र अनावरण समेत गर्नु भएको थियो। जिल्लाका ९३ वडा मध्ये धुर्कोट १ बालमैत्री स्थानीय शासनयुक्त वडा घोषणा गर्ने पहिलो वडा हुने इतिहास रच्न सफल भएको प्रति जिल्ला समन्वय समिति गुल्मी र धुर्कोट गाउँपालिकाले त्यस वडालाई कदर पत्र प्रदान गरेको छ।

पालिकाले त्यस वडालाई एक लाख नगद पुरस्कर सहित कदर पत्र प्रदान गरेको थियो ।

त्यस अवसरमा विभिन्न संस्था र व्यक्ति व्यक्तिलाई समान गरिएको थियो । घोषणा सभामा बाल विबाह बिरुद्ध सडक नाटक देखाईएको थियो।

कार्यक्रममा प्रमुख अतिथि खत्री , विशेष अतिथि शिक्षा विकास समन्वय ईकाई कार्यालय प्रमुख थानेश्वर घिमिरे ,धुर्कोट गाउँपालिका अध्यक्ष भुपाल पोख्रेल , उपाध्यक्ष सीता गिरि प्रमुख प्रशासकीय अधिकृत ज्ञानुरा पन्थी लगायतल्र मन्तव्य राखेका थिए।

उदघाट्नको पुर्व सन्ध्यामा चनचेतना मुलक र्याली निकालिएको थियो ।

कार्यक्रममा स्थानीयबासीको व्यापक सहभागिता थियो भने जिल्ला समन्य उप प्रमुख तेजेन्द्र सलामी सहित विभिन्न तहका प्रतिनिधि र कर्मचारीहरुको आतिथ्यता रहेको थियो ।

वडाध्यक्ष चेतनाथ कुवरको अध्यक्षतामा सम्पन्न कार्यक्रममा सचिब नारायण पोख्रेलको संचालन रहेको थियो ।