गुल्मीमा जंगली च्याउ खाँदा तीन जना बिरामी

गुल्मी, असार १३ । गुल्मीको मुसिकोट नगरपालिकामा जंगली च्याउ खाँदा एकै परिबारका तीन जना बिरामी परेका छन ।त्यस नगरपालिका ४ दिगामचौरका ३६ बर्षीया गिता कुमाल , ७६ बर्षीय थम्मन कुमाल र ६८ बर्षीया फुलमाया कुमाल जंगली च्याउको तरकारी संग खान खाँदा बिरामी परेको जिल्ला प्रहरी कार्यालय गुल्मीले जनाएको छ ।
त्यस कार्यालयका सुचना अधिकारी डिएसपी गंगाबहादुर सारुले पठाएको विवरण अनुसार हिजो विहान जंगली च्याउको तरकारी संग खान खाएका उनिहरु बिरामी परेको भनि हिजो साँझ अस्थाई प्रहरी पोष्ट ईन्द्रेगौडालाई जानकारी गराईएको थियो ।

जानकारी पाउन साथ हवल्दार कृष्णमोहन केवटको कमाण्डमा त्यस स्थानमा पुगेको प्रहरी टोलीले उनिहरुलाई उपचारका लागि लुुम्बिनी मेडिकल कलेज पाल्पा प्रभास अस्पताल पठाएको बताईएको छ ।