रुपन्देहीको सडक दुर्घटनामा समिर खान सहित दुई जनाको मृत्यु

बुटवल, असार ७ । शनिबार दिउँसो रुपन्देहीको मायादेवि गाउँपालिकामा भएको सडक दुर्घटनमा परि दुई जना युवकको मृत्यु भएको छ । एक जना सामन्य घाईते भएका छन ।
मृत्यु हुनेमा रुपन्देहीको ओमसतिया गाउँपालिका ५ निवासी ३० बर्षिय समिर खान र कोटहियामाई गाउँपालिका ७ बस्ने १८ बर्षिय जिवनाथ ठाकुर रहेको जिल्ला प्रहरी कार्यालय रुपन्देहीका सुचना अधिकारी डिएसपी सुरज कार्कीले जानकारी दिनु भएको छ ।

उहाँका अनुसार एक जना १७ बर्षिय अमिष यादव सामन्य घाईते भएका छन । मायादेवि गाउँपालिका ७ चम्रौटी टोलको मोडमा लु २ ख २०७४ नम्बरको टिप्परले लु ४० प २३७३ नम्बरको मोटरसाईलका सवार तिन जना मध्ये ति दुई जनाको मृत्यु र एक जना घाईते भएका हुन । उनिहरु बिद्यार्थी रहेको बताईएको छ ।