अर्घाखाँचीमा श्रीमतिले गरिन् श्रीमानको हत्या

गुल्मी, असार १: अर्घाखाँचीको छत्रदेव गाउँपालिकामा एक महिलाले गएराति धारिलो हतियार प्रहार गरी श्रीमानको हत्या गरेको प्रहरीले जनाएको छ‌।

छत्रदेव गाउँपालिका-३, सिख्रेपाटा निवासी २७ बर्षिया श्रीमति खेममाया कुमालले ३८ बर्षिय श्रीमान रामु कुमाललाई गएराति साढे १२ बजेको आसपासको समयमा धारिलो हतियार प्रहार गरी हत्या गरेको जिल्ला प्रहरी कार्यालय अर्घाखाँचीका प्रमुख डिएसपी चक्रबहादुर मल्लले जानकारी दिए।

अहिले घटनास्थलमा प्रहरी पुगेर अनुसन्धान गरिरहेकोले थप विवरण पछि आउने डिएसपी मल्लको भनाई छ।