छतबाट खसेर गम्भीर घाईते पालुखा माविका प्रधानाध्यापक खत्रीको अझै होस खुलेन

गुल्मी , जेठ १५ । हिजो दिउँसो करिव २ बजेको समयमा बिद्यालयको छतमा निहुरिएको बाँस हटाउने क्रमममा सोही बाँसले हुत्याउँदै छतबाट खसेर गम्भीर घाईते भएको गुल्मीको इस्मा गाउँपालिका २ स्थित पालुखा माध्यामिक विद्यालयका प्रधानध्यापक बाबुराम खत्रीको होस पुर्णरुपमा अझै खुल्न सकेको छैन ।

त्यस बिद्यालय ब्यवस्थापन समितिका पुर्व अध्यक्ष टोमलाल केसीकाअनुसार प्रधानध्यापक खत्रीलाई हिजो तत्काल गुल्मी अस्पतालमा ल्याईएकोमा त्यस अस्पतालले लुम्बिनी मेडिकल कलेज पाल्पा प्रवासमा पठाएको थियो । त्यहाँ देखाएर भैरहवा मेडिकल कलेजमा लगिएकोमा खत्रीको अझै पुर्णरुपमा होस खुल्न नसकेको केसीले बताए । ‘बेला बेलामा हेर्दै बोल्न खोज्नु हुन्छ तर सक्नु हुन्न । टाउकाको सिटी स्क्यान गरिए त्यस्तो असर केहि देखिन्न ’’केसीले भने ‘शरिर बेस्सरी बज्रिएर होला । ’

खत्रीको घर धुर्कोट गाउँपालिका ४ गोपेगाउँमा हो । लामो समय देखि त्यस बिद्यालयमा पढाउँदै आएका खत्री हरेक काममा अरु शिक्षक स्टाफ वा बिद्यार्थीहरुलाई अह्राउनु भन्दा आफै काम गर्न कस्सिने ब्यक्ती हुन । होस नखुले पनि खतरा मुक्त रहेको डाक्टरले बताएको केसीले जानकारी दिए ।