पाल्पामा टिपर दुर्घटना हुँदा एक जनाको मृत्यु

पाल्पा, बैशाख २५: गएराती पाल्पाको तिनाउ गाउँपालिका ३, शिद्धबाबा नजिकै टिपर दुर्घटना हुँदा एक जनाको मृत्यु भएको छ ।

बुटवलबाट पाल्पा तर्फ आउँदै लु १ ख २५१७ नम्बरको खाली टिपर तिनाउको ड्यामसाईडमा अचान चक्का पन्चर हुँदा अनियन्त्रित भई अन्दाजी ६५ मिटर तल तिनाउ खोला किनारमा खस्दा त्यसका चालक रुपन्देहीको सियारी गाउँपालिका ३ का अन्दाजी २६ बर्षीय प्रभाकर यादवको मृत्यु भएको हो ।

जिल्ला प्रहरी कार्यालय पाल्पाका प्रबक्त डिएसी सुनिल मल्लका अनुसार हिजो साँझ साढे ६ बजेको समयमा उक्त दुर्घटना भएको जानकारी आउन दोभान प्रहरी चौकीबाट प्रहरी नायव निरीक्षको कमाण्डमा पुगेको प्रहरी टोलीले यादवको उद्धार गरी उपचारका लागि लुम्बिनी प्रादेशिक अस्पताल पुराएकोमा गएराती नै डाक्टरले उनलाई मृत घोषणा गरेको थियो । टिपरमा उनि मात्रै सवार रहेको बताईएको छ ।