चन्द्रकोटको आँखा उपचार शिविरबाट अन्धकारमा बाँँचेकाहरुले देखे उज्यालो

गुल्मी बैशाख १७ । गुल्मी भार्सेका ८६ बर्षीया चन्द्रमणि भण्डारी आँखामा मोतिया विन्दुको विमारले बर्षऔं देखि अध्यारो संसारमा बाच्न बाध्य भएका थिए । तर जब उनको यहि बैशाख १६ गते गुल्मी कै शान्तिपुरमा उनको आँखामा मोतिया विन्दुको अप्रेशन गरियो त्यस पछि भने उनले उज्यालो देख्दै औधी खुशी प्रकट गरे ।

विगतमा उनी जस्तै अन्धकार जिवन जिउँदै आएका बाग्लुङको बरेङ गाउँपालिका ५ सुखौरा का सोही उमेरका लाल बहादुर क्षेत्रीले पनि संगै मोतिया विन्दुको अप्रेशन गरे पछि उज्यालो संसार देख्न पाउनुे भएका छन । उनी जस्ता मानिसहरुलाई बर्षऔं देखि नेत्रहिन भएर कष्टकर जिवन जिउँनुको पीडा बाट मुक्त हुनु पाउने बातररण सिर्जना गरेको थियो गुल्मीको चन्द्रकोट गाउँपालिकाले ।

यहि बैशाख १५ र १६ गते दुई दिन सम्म त्यस पालिकाले शान्तिपुरमा आयोजना गरेको निशुल्क आँखा जाँच तथा मोतिया विन्दुको अप्रेशन शिविरमा त्यस पालिकाका आँखाका रोगीहरुले मात्रै उपचार पाएनन, छिमेकी पालिका सत्यवती ८ भार्सेका उनै भण्डारी र छिमेकी जिल्ला बाग्लु सुखौराका बृद्ध क्षेत्रीले समेत आँखामा ज्योति पाए ।

मोटरबाटो लगायतको भौतिक विकासलाई मात्र विकास मान्ने हिजोको केन्द्रिकृत राज्य प्राणालीबाट गाउँका जनता कोही त्यसरी बर्षऔं सम्म अन्धकारमा त कोही अनेकन रोग बिमारले कष्टकर जिवन जिउँदै आएका थिए । जब संघिय लोकतान्त्रिक गणतन्त्र स्थापना भयो तब देखि अपेक्षिँत नसहि धोरै भए पनि स्थानीय सरकार नजिकको सिंहदरबार बनेको यी र यस्तो सेवा प्रवाहबाट पनि स्पष्ट हुन्छ । करोडौं लाखतको भौतिक पुर्वधार विकास ठुलो देखिन्छ । तर जनताको जिवन स्वास्थ्य राख्ने सानातिना कुराले जनतामा ठुलो प्रभव पार्छ । भौतिक पुर्वधारको विकास संगै शिक्षा , स्वास्थ्य र जनतालाई प्रत्यक्ष प्रभाव पार्ने विकास पनि संग संगै लैजाने गरी अगाडी बढिएको चन्द्रकोट गाउँपालिका अध्यक्ष युवराज खत्री क्षेत्री बताउँदै थिए ।

त्यस गाउँपालिकाको आयोजना, शान्तिपुर आँखा उपचार केन्द्रको ब्यवस्थापन र नेपाल नेत्रज्योति संघ तम्घास शाखाको प्राविधिक सहयोगमा शिविर सञ्चालन भएको हो । शिविरमाा आँखा अस्पताल भैरहवाकी बरिष्ठ नेत्र रोग बिशेषज्ञ डाक्टर सविता ढकाल बर्षऔं देखि अन्धकारमय जिवन जिउन बाध्य बृद्ध बृद्धाहरुले आँखामा ज्योति पाउँदा उहाँहरुमा देखिएको अभुत पुर्व खुशीले आफुहरु े गर्वित भएको बताउँदै थिईन ।

शिविरमा आँखा उपचार केन्द्र शान्तिपुरका स्वास्थ्यकर्मीहरु पनि दुई दिन सम्म निकै खटका थिए । अन्धकारमा बाँच्न बाध्य भएका ति दुई बृद्ध सहित ३६ जनाको आँखाको मोतिया विन्दुको अप्रेशन शिविर मै गरिएको छ । १५ जनालाई थप उपचारका लागि भैरहवा रेफर गरिएको आँखा उपचार केन्द्र शान्तिपुरका कार्यालय प्रमुख सुदिप पौड्यालले जानकारी दिए ।

चन्द्रकोटका स्वास्थ्य शाखा प्रमुख तथा बरिष्ठ जनस्वास्थ्य निरीक्षक प्रकाशचन्द्र शर्माका अनुसार दुई दिनको अन्तरालमा कुल १३० जनाले आँखा उपचारको सेवा पाएका थिए । त्यस मध्ये पुरुष ५७ जना, महिला ७३ जना थिए । उनिहरु मध्ये जेष्ठ नागरिक पुरुष २७ जना र जेष्ठ नागरिक महिला २२ जना थिए । उनिह मध्ये २९ जनालाई चस्मा वितरण गरिएको छ । उक्त शिविरको उदघाटन जिल्ला समन्व्य प्रमुख द्रोणबहादुर खत्रीले गरेका थिए ।

कार्यक्रममा त्यस पालिका उपाध्यक्ष बिष्णुप्रसाद भण्ण्डारी, प्रमुख प्रशासिकय अधिकृत बुद्ध प्रकाश पौडेल, नेपाल नेत्रज्योति संघ तम्घास शाखाका कार्यवाहक सभापति सदस्य पदमप्रसाद पाण्डे , गाउँपालिकाका प्रशासकीय अधिकृत शिव ज्ञवाली लगायतको बिशेष आतिथ्यता थियो ।

त्यस्तै कार्यक्रममा आठ वटै वटाका वडाध्यक्ष लगायतका जनप्रतिनिधी, कर्मचारी र विभिन्न संघ संस्थाका प्रमुख तथा प्रतिनिधीहरुको सहभागिता थियो । चन्द्रकोट गाउँपालिका अध्यक्ष युवराज खत्री क्षेत्रीको अध्यक्षतामा सम्पनन् कार्यक्रममा आँखा उपचार केन्द्र शान्तिपुरका सभापति गणेशबहादुर थापाको स्वागत मन्तब्य र त्यस पालिकाका स्वास्थ्य शाखाका जनस्वास्थ्य निरीक्षक सन्तोष पुनको सञ्चालन रहेको थियो ।