पाल्पा , बैशाख -८ । पाल्पामा आइतबार साझ जिप दुर्घटना हुँदा एक जना युवतीको मृत्यु भएको छ । पाँच जना घाइते मध्ये एकको अबस्था गम्भीर छ ।
आइतबार साझ ७.५० बजेको समयमा तानसेनबाट भालेबासका लागि छुटेको लु १ ज १७२४ नम्बरको जिप बगनासकाली ४ को बेलडाँडा भन्ने स्थानमा दुर्घटना हुँदा
स्याङ्जा कालीगण्डकी ३ बैघाकी अन्दाजी १८ वर्षीया एलिजा सारुको घटना स्थलमै मृत्यु भएको हो ।
उनको जिपले च्यापिएर घटना स्थलमै मृत्यु भएको जिल्ला प्रहरी कार्यालय पाल्पाका प्रबक्ता डिएसपी सुनिल मल्लले जानकारी दिए ।
डिएसपी मल्लका अनुसार ५ जना घाइते मध्ये एक जनाको टाउँकोेमा चोट लागेका कारण अवस्था गम्भीर छ ।घाइते सबैलाई लुम्बिनी मेडिकल कलेज प्रभासमा उपचारका लागि पठाइएको छ । ब्रेक फेल भई दुर्घटना भएको र थप अनुसन्धान हुन बाँकी रहेको डिएसपी मल्लद्धारा प्रेषित प्रेस नोटमा उल्लेख छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
