गुल्मी महोत्सवमा आज चर्चित गायक हेमन्त शर्मा र सिरिस देवकोटा आउने

गुल्मी बैशाख ७ । दोश्रो गुल्मी महोत्सवको आज तेश्रो दिन चर्चित गायकहरु हेमन्त शर्मा र सिरिस देवकोटा लगायतका कलाकार आउने भएका छन ।

आयोजक चेम्बर अफ कमर्स गुल्मीका सांस्कृतिक कार्यक्रम संयोजक टामलाल केसीका  अनुसार यी दुई गायकका अलवा गायिका कल्पान कुसुम , नारायण्ढढा विपी परियार , सम्झना रणपाल र अनिल खत्रीको प्रस्तुती रहने छ ।

‘न तेजावी सुन हो माया न हो हो छापा वाला एकै तोला पाउन पनि कस्तो महाजाल … माया साह्रै महंगो …..‘ जस्ता   सयौं कर्ण प्रिय गित गाएर चर्चित बनेका हेमन्त शर्मा र रोईला गितका नव सम्राट मानिने पाल्पाली गायक सिरिस देवकोटा देशका चु्निन्दा कलाकारहरु मध्येमा पर्दछन ।

शुक्रबार देखि चलिरहेको दोश्रो गुल्मी महोत्सवमा क्रमिक रुपमा दर्शकहरुको संख्या बढ्दै रहेको मुल आयोजक समितिका संयोजक तथा चेम्बर अफ कमर्सका अध्यक्ष दुर्गाप्रसाद पाण्डेले बताए ।