गुल्मीमा जीप दुर्घटना, तीन जना घाईते

गुल्मी, बैशाख – २ । गएराती गुल्मीको कालिगण्डकी गाउँपालिकामा जीप दुघृटना हुँदा तीन जना घाईते भएका छन ।
त्यस पालिका वडा नम्बर– ४ सैरेनी भन्ने स्थानमा लु ३ च ६४५६ नम्बरको जीप दुर्घटना हुँदा वडा नम्बर ५ फाक्सिङ निवासी ४१ बर्षीय क्षेत्रबहादुर थापा , बर्ष १६ का दिपेन्द्र राना र २२ बर्षीय कृष्ण राना घाईते भएका हुन ।

जिल्ला प्रहरी प्रबक्ता गंगाबहादुर सारुका अनुसार उनिहरुको स्वास्थ्य अबस्था मध्यम खालको छ । उनिहरुलाई लुम्बिनी मेडिकल कलेज पाल्पा प्रभास रिफर गरिएकोमा त्यस अस्पतालमा नगई उनिहरुले पाल्पा युनाईटेड मिशन अस्पतालमा उपचार गराई रहेका छन .

सत्यवतीको भार्सेबाट पुर्तिघाट तर्फ आउँदै गरेको उक्त जीप हिजो साँझ ७ बजेर २० मिनेट जाँदा दुर्घटना भएको वडा नम्वर ५ का वडाध्यक्ष होमबहादुर थापाले जानकारी गराउन साथ पुर्तिघाट प्रहरी चौकीबाट प्रहरी सहायक निरीक्षकको कमाण्डमा प्रहरीको टोली घटना स्थलमा पुगेको थियो ।

ब्रेक फेल भई जीप भित्तामा ठोक्किएर दुर्घटना भएको बताईएको छ । जिपमा सवार ५ जना मध्ये चालक दिपक बलाल सहित दुई जना सकुशल रहेका छन । चालक बलालले मापसे नगरेको पाईए पछि हिजोा नै उनलाई घर पठाईएको थियो ।