रुरु र रेसुङ्गामा थप दुई घरको छाना हावाहुरीले उडायो ,क्षति ब्यहोर्ने परिबार संख्या ८ पुग्यो

गुल्मी, चैत्र – २८ । पछिल्लो चौबिस घण्टाको बर्षा , हावाहुरी र चट्याङ्गबाट गुल्मीमा ८ घरपरिबारले क्षति ब्यहोरेका छन । जिल्ला प्रहरी कार्यालय गुल्मीबाट हामीलाई भर्खरै प्राप्त विवरण अनुसार जिल्लाको रुरुक्षेत्र गाउँपालिका र रेसुङ्गा नगरपालिकामा एक एक गरी थप दुई घरको छाना हावाहुरीले उडाएर क्षति पुराएको छ ।

त्यस गाउँपालिका –५ ग्वादीका कृष्णप्रसाद ज्ञवाली र रेसुङ्गा नगरपालिका –१० पाँचरातेका रामबहादुर बस्नेतको घर हावाहुरीले उडाएर क्षति पुराएको हो ।
यस अघि
१, धुर्कोट– ४ बर्बोटका अरुण गैरेको होटल भएको घरको छाना
२, सोही वडा रौताडीका पुर्णप्रसाद उपाध्यायको घरको छाना
३ , सोही पालिका – ३ बर्दबासका कृष्ण बिष्टको घरको छाना
४ , सोही स्थानकी देवकला महतको घरको छाना
५ , रेसुङ्गा नगरपालिका –५ गोवानेका अर्जुन बिकको घरको छाना
६ इस्मा गाउँपालिका– २ पालुखाकी बिमला दर्जिको आगोलागीबाट गोठ जलेर नष्ट भएको समाचार प्रकाशित भई सकेको छ ।