जाजरकोट प्रहरीद्वारा ठुलो परिमाणमा अवैध अफिम नष्ट

जाजरकोट, चैत्र–२५ । जाजरकोट जिल्लाको प्रहरीले ठुलो परिमाणमा अबैध अफिम खेती नष्ट गरेको छ । ईलाका प्रहरी कार्यालय दल्लीले जिल्लाको नलगाडा नगरपालिका–१ खैलागाउँमा करिव ६५ रोपनी क्षेत्रफलमा गरिएको अबैध अफिम खेती नष्ट गरेको हो।

त्यस ईलाका प्रहरी कार्यालयका ईन्चार्ज प्रहरी नायव निरीक्षक अर्जुन खड्काको नेतृत्वमा खटिएको २० जना प्रहरीको टोलीले उक्त परिमाणको अफिम खेती नष्ट गरेको जिल्ला प्रहरी कार्यालय जाजरकोटले जनाएको छ ।

अबैध अफिम गरिएको स्थान ईलाका प्रहरी कार्यालय दल्लीदेखि २० किलो मिटर दुरीमा पर्ने जनाईएको छ । उक्त अबैध अफिम खेती को कसले गरेको हो भन्ने बारे प्रहरीले खुलाएको छैन ।