खनदहमा जिप दुर्घटनाः २ जनाको मृत्यु

अर्घाखाँची, चैत्र २४: अर्घाखाँचीको खनदहमा जिप दुर्घटना हुँदा २ जनाको मृत्यु भएको छ। २ जना घाइते भएका छन् । जिल्लाको मालारानी गाउँपालिका-३, ढुङ्गाडेस्थित लुटीपोखरी-ख‌नदह भित्री सडकखण्डमा लु २ च २९९० नम्बरको जिप दुर्घटना हुँदा सोही गाउँपालिका ४  का अन्दाजी २२ बर्षीय दिलिप खनाल र अन्दाजी बर्ष २१ का बालकृष्ण रिजालको मृत्यु भएको हो।

खनाल त्यस जिपकका चालक थिए । घाईते हुनेमा सोही स्थानका अन्दाजी १७ बर्षीय भुवन पोखरेल र सोही उमेर समुहका बसन्त पोख्रेल रहेका छन । दुई मध्ये बसन्तको अबस्था सामन्य र भुवनको अबस्था मध्येम रहेको छ  ।

उनिहरुलाई उपचारका लागि बुटवल पठाईएको अर्घाखाँची जिल्ला प्रहरी प्रमुख डिएसपी चक्रबहादुर मल्लले जानकारी दिए । घटनास्थलमा गम्भीर अबस्थामा फेला परेका ति दुई जनालाई सन्धिखर्क अस्पतालमा ल्याई डाक्टरले मृत घोषणा गरेको डिएसपी मल्लले बताए ।

खनदहतर्फ गइरहेको जिप आज बिहान साढे तीन बजेतिर दुर्घटना भएको जानकारी पाउन साथ खनदह ईलाका प्रहरी कार्यालयको टोली उद्धारका लागि पुगेको थियो ।  जिप सडकबाट करिब २०० मिटर तल खसेको र दुर्घटनाको कारण बारे अनुसन्धान भईरहेको प्रहरीले जनाएको छ ।